د هرات د اطلاعاتو او فرهنګ ریاست مسوولان وايي چې د دغه ولایت جامع جومات کې ۲۵۰ کاله پخوانۍ دروازه یې موندلې ده.
د یاد ولایت د اطلاعاتو او فرهنګ ریاست د تاریخي ابداتو ساتنې مدیر محمدصدیق میر سلاموطندار ته وايي چې دغه دروازه یې پرون «چهارشنبه، چنګاښ ۲۷مه» د یاد جومات په ډيپو کې پیدا کړې.
د سلاموطندار پښتو فېسبوکپاڼه وڅارئ
هغه همداراز وویل چې یاده دروازه د یاد جومات په نګارستان کې ثبت او ساتل کېږي. نوموړي همداراز ټينګار وکړ چې د دغه ولایت د تاریخي او فرهنګي اثارو ساتنه د دوی له لومړیتوبونو څخه دي.
د هرات د اطلاعاتو او فرهنګ ریاست د تاریخي ابداتو ساتنې مدیر محمدصدیق میر په وینا، هرات د هېواد له لرغونو ولایتونو څخه دی چې څه باندې ۸۰۰ تاریخي ابدات لري او ځانګړی ځای لري.