د لوګر امنیه قومنداني چارواکي وایي چې د کشفي او استخباراتي مسوولانو په هڅو ایران ته تښتول شوی ماشوم له انسانتښوونکو ازاد شوی دی.
د دغه ولایت امنیه قومندان مولوي محمدالدین شاه محبت پلعلم کې خبریالانو ته وویل، یاد ماشوم چې شاوخوا ۱۳ کاله عمر لري او په اصل کې د محمداغې ولسوالي «سفیدسنګ» سیمې اوسېدونکي دی، درې میاشتې وړاندې د پلعلم له «هونسفلی» سیمې څخه نادرکه شوی و.
د سلاموطندار پښتو فېسبوکپاڼه وڅارئ
نوموړي زیاته کړه، یاد ماشوم انسانتښتوونکو ایران ته تښتولی و او له کورنۍ څخه یې د نوموړي د ازادولو په بدل کې سلګونه زره افغانۍ هم غوښتلې وې چې د امنیتي ځواکونو لهخوا خوشې شوې دی.
مخبت زیاته کړه، د یاد ماشوم د اختطاف په تور دوه کسان هم نیول شوي دي.
د ازاد شوي ماشوم پلار محمد ظاهر وویل، زوی یې نعمت الله نومیږي او د پل علم له هونې سفلی څخه درې میاشتې وړاندې انسانتښتونکو ایران ته تښتولی و.
ده وویل، څو ځلې انسانتښتوونکو د ده زوی وهلی دی او د یاد زور زیاتي ویډيوګانې یې کورنۍ ته د دې په موخه رالېږلې وې چې د ازادېدو په بدل کې یې سلګونه زره افغانۍ په لاس راوړي.
ظاهر له امنیتي ځواکونو مننه وکړه چې زوي یې د انسانتښتونکو له منګلو ازاد کړ او ټینګار یې وکړ چې د پېښې اصلي عامیلینو ته دې سخته سزا ورکړل شي.