د پاکستان د دفاع وزیر خواجه محمداصف، پر خپله اېکسپاڼه د اسراییلو پر ضد کړی پوسټ ډیلیټ کړی دی.
هغه په دې پوسټ کې اسراییل د «بشریت لپاره لعنت» بللی و.
راپورونه ښيي چې دا پیغام د اسراییلو له سخت غبرګون وروسته لرې شوی دی. د اسراییلو د لومړي وزیر دفتر د نوموړي څرګندونې د نه منلو وړ بللې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اسراییلو د لومړي وزیر دفتر په خپل ټولنیز پیغام کې ویلي: «دا ډول څرګندونې د هېڅ حکومت لهخوا د زغم وړ نه دي، په ځانګړي ډول له هغه هېواده چې ځان د سولې بېطرفه منځګړی بولي.»
خواجه محمداصف په خپل یاد پیغام کې چې پر ایکس (پخوانی ټویټر) خپور شوی و، اسراییل تورن کړی و چې په منځني ختیځ کې بېګناه خلک وژني.
هغه لیکلي و: «لومړی غزه، بیا ایران، او اوس لبنان، وینه تویېدنه لاهم پرته له درېدو دوام لري.»