د بدخشان د واخان ولسوالي سیمهییز مسوولان وايي چې نن یکشنبه، کب درېیمه، یو واورین پړانګ د دې ولسوالي د «خندود» کلي کې ګڼشمېر څاروي لهمنځه وړي دي.
د معلوماتو له مخې، دغه پېښه تېره شپه رامنځته شوې چې په ترڅ کې یې د میرعلي په نوم د سیمې د یوه اوسېدونکي ۹ څاروي لهمنځه وړل شوي او ۷ ټپي دي.
د واخان ولسوال، مولوي وجهالدین مظهري وايي، دا برید د شپې پرمهال شوی او واورین پړانګ تر برید وروسته له سیمې تښتېدلی دی. د نوموړي په وینا، لومړنۍ څېړنې ښيي چې دا برید د یوه واورین پړانګ لهخوا شوی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه زیاتوي چې په دې پېښه کې یاد شوي کس ته دروند مالي زیان اوښتی دی.
سیمهییز مسوولان وايي، د واورین پړانګ لهخوا د دې نادر برید په تړاو موضوع له اړوندو ادارو سره شریکه شوې، څو د لاډېرو څېړنو ترڅنګ، په راتلونکي کې د ورته پېښو د مخنیوي لپاره لازمې لارې چارې تر کار لاندې ونیول شي.