د اطلاعاتو او فرهنګ وزارت د نشراتو مرستیال حیاتالله مهاجر فراهي د سلاموطندار له لوري د «اقلیمي بدلون څرنګوالي کې د رسنیو ونډه» تر سرلیک لاندې جوړې شوې غونډه کې وویل چې د هېواد ډېری برخې د اقلیمي بدلون له کبله اغېزمنې شوې دي.
د نوموړي په وینا، په نورو هېوادونو خلک د جګړو له امله بېځایه کېږي، خو په افغانستان کې وچکالي د خلکو د بېځایه کېدو لامل شوې ده.
هغه پر رسنیو غږ وکړ چې ورته پروګرامونه نور هم پراخ کړي، څو خلکو ته د اقلیمي بدلون د اغېزو په اړه پوهاوی ورکړل شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اطلاعاتو او فرهنګ وزارت د نشراتو مرستیال حیاتالله مهاجر فراهي همداراز وویل چې ټول په ګډه باید دې برخه کې خپل مسوولیتونه ادا کړي او په وینا یې، د اوبو بېځایه مصرف مخه ونیول شي.
سلاموطندار نن پنجشنبه، اقلیمي بدلون څرنګوالي کې د رسنیو ونډه تر سرلیک لاندې یوه ناسته جوړه کړې چې د رسنیو سربېره د سرپرست حکومت چارواکو هم پهکې ګډون کړی دی.