افغان لوبډلې د غوراوي پړاو سیالیو په ترڅ کې خپلې لومړۍ درې لوبې په ستر توپیر وګټلې او د نن ورځې وروستۍ لوبه چې د کوربه نیپال پر وړاندې ترسره کېده، د دوامداره ورښت له امله بې پایلې پایته ورسېده.
په دریو بریاوو سره افغان لوبډلې د جدول لومړی مقام خپل کړی و او د نورو لوبډلو په پرتله د غوره نمرو او نېټرنرېټ په لرلو سره یې د یوازینۍ او مخکښې لوبډلې په توګه نړیوال جام ته لاره پیدا کړه.
ټاکل شوې وه چې د افغانستان او نیپال ۱۹کلنو کرکټ لوبډلو ترمنځ نننۍ لوبه د افغانستان پرمهال د سهار په ۸:۱۵ د سیالې لوبډلې په کوربه توب ترسره شي چې د باران له کبله لغوه شوه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د افغان لوبډلې تکړه پیلیز توپوهونکی خالد احمدزی د کرکټ نړیوالې شورا د نوولس کلنو لوبغاړو نړیوال جام د غوراوي پړاو سیالیو غوره لوبغاړی ونومول شو.
نوموړي په درې پاڼیو کې د یوې سلیزې پرمټ د ۱۰۱ منډو په اوسط سره ۲۰۲ جوړې کړې او دغه ستره جایزه یې په خپل نوم کړه.
د یادونې ده چې د ۱۹کلنو کرکټ لوبډلو د ۲۰۲۶ کال نړیوال جام لوبې په جنوري او فبروري میاشتو کې زمبابوې او نیمبیا هېوادونو کې ترسره کیږي.