د پاکستان د بلوچستان ایالت په دوکۍ ولسوالي کې د ډبرو سکرو کان پر کارګرو برید کړی چې له امله یې، شل کارګر وژل شوي دي.
د دوکۍ ولسوالي چارواکي وايي چې برید بېګاه شپه ۱۲ بجې د ناپېژنده وسلهوالو له لوري شوی چې پهکې یوشمېر نور کارګر ټپیان شوي هم دي.
د سلاموطندار پښتو فېسبوکپاڼه وڅارئ
چارواکو رسنیو ته ویلي چې د پېښې ټپیان د درملنې لپاره روغتون ته لېږدول شوي دي. وژل شوي د د دوکۍ ولسوالي د ډبرو سکرو کانونو کارګر دي چې ګڼشمېر یې، ځوانان دي.
سیمه کې یوه پولیس چارواکي همایون ناصر رسنیو ته وویل چې وژل شوي د افغانستان او بلوچستان اړوند سیمو اوسېدونکي دي. قلعهسیفالله، ژوب، موسیخېل، کچلاغ، پښین، لورالايي او د نورو سیمو کارګر هم په وژل شویو کې شامل دي.
د نوموړي په وینا، پېښه کې اووه کسان ټپیان شوي او د ډبرو سکرو اړوند ماشینونه هم سوځول شوي دي. په خپرو شویو راپورونو کې دا نهدي ویل شوي چې دې پېښه کې د افغانستان د کومې سیمې اوسېدونکي وژل شوي او یا هم ټپیان شوي دي.
تراوسه کوم چا یا ډلې د دې برید مسوولیت پر غاړه نهدی اخیستی.
د بلوچستان دوکۍ ولسوالي له کوټې شاوخوا ۲۲۵ کیلومټره لرې پرته ولسوالي ده چې د ډبرو سکرو پراخ کانونه لري.