د اسټرالیا دفاع وزارت وايي چې افغانستان کې پر جنګي جرمنو تورنو يوشمېر لوړپوړو پوځي افسرانو څخه د خدمتکولو لپاره ورکړل شوي، عالي مډالونه بېرته اخلي.
دغه اعلان وروسته له هغه کېږي چې افغانستان کې د جنګي جنایتونو په اړه د پلټنو یوه راپور کې داسې شواهد موندل شوي چې اسټرالیايي ځواکونه پر جنایتونو تورن پېژندل شوي.
د سلاموطندار پښتو فېسبوکپاڼه وڅارئ
د۲۰۲۰بریټن راپور کې معتبر شواهد ښيي چې د استرالیا دفاعي ځواک (ADF) پرسونل افغانستان کې د ۳۹ بندیانو او ملکي وګړي په غیرقانوني وژنه کې ښکیل دي.
د یاد هېواد دفاع وزیر ریچارد مارلز پارلمان ته د وینا پرمهال وویل چې دغه پرېکړه یې، د یاد راپور د ۱۴۳ سپارښتنو په پام کې نیولو سره کړې.
هغه وویل: «د دې موضوع په اړه زما پرېکړې د برېټون راپور د موندنو او سپارښتنو سره ورتهوالی لري. د خصوصي حریم د قانونو پر بنسټ او ښکېلو کسانو ته د ژمنتیا لپاره د دوی افشا او جزییات نهشم خپرولی.»
که څه هم مارلز د هغو افسرانو نومونه او شمېر په ډاګه نهکړ چې د دوی مډالونه به ترې اخیستل کېږي، خو سیمهییزو رسنیو راپور ورکړی چې له لسو افسرانو به دغه مډالونه واخیستل شي.
مارلز دا هم وویل چې د ځانګړي پلټونکي دفتر د «اسټرالیا ځواګړوځواکونو» د ځینې پرسونل محاکمه کولو احتمال په لټه کې دی، خو په وینا یې، دا څېړنې به «کلونه وخت ونیسي چې بشپړ شي.»
د اسټرالیا دفاع وزارت همداراز پارلمان ته د وینا پرمهال وویل، که څه هم د یوشمېر کمو ځانګړو ځواکونو ادعا شوې کړنې د «ملي شرم» سرچینه ده، خو په وینا یې، ۲۶۰۰۰ پوځیانو افغانستان کې خدمت کړی دی.
هغه وویل: «د څو کسانو له کړنو پرته، دوی خپل خدمتونه په مسلکي، رښتینولي او په سمه توګه ترسره کړي دي. دوی باید د خپلې ونډې له امله ویاړ وکړي او موږ هم پر دوی ویاړوو.»
د تېر میلادي کال په مارچ میاشت کې د اسټرالیا ځانګړو هوايي ځواکونو یو سرتېری د یوه افغان ملکي وګړي پر وژنه تورن وپېژند شو او لومړنی سرتېری و چې د جنګي جرمونو پورې تړلي، وژنه باندې تورنېږي.