پر اوکراین د رسویې د دوو بالیستیک توغندیو د برید له امله ۵۱ کسان وژل شوي او څه باندې ۲۰۰ نور ټپیان دي.
د اوکراین چارواکو په وینا، برید د پولټاوا ښار کې روغتون او پوځي انسټیټیوټ ودانۍ په نښه کړې.
د سلاموطندار پښتو فېسبوکپاڼه وڅارئ
د روسیې او اوکراین ترمنځ د روانې جګړې له پیل راهیسې دا لومړی ځل دی چې د روسیې په راکیټي برید کې په دومره شمېر اوکراینيان وژل او ټپیان کېږي.
د اوکراین ولسمشر ولودیمیر زېلېنسکي له برید وروسته ویلي: «د پوځ د ارتباطاتو انسټیټیوت یوه ودانۍ په بشپړه توګه ویجاړه شوې او ډېری خلک ترې لاندې شوې دي. ډېر کسان ژوندي ژغورل شوي.»
پولتاوا ښار د پلازمېنې کېیف سوېلختیځ ۳۵۰ کیلومټرۍ کې د دغه هېواد د پلازمېنې او د دویم ستر ښار خارکېف ترمنځ پروت دی چې د روسیې پولې ته نږدې موقعیت لري.
دغه برید داسې مهال کېږي چې د اوکراین ولسمشر له لوېدیځ یو ځل بیا غوښتنه کړې چې اجازه ورکړي، څو د اوکراین خوندیتوب لپاره د روسیې خاوره کې د لري واټن وسلو څخه استفاده وکړي.
نوموړي وویل: «موږ تل هغو ته ویلي چې نړۍ کې د دې ترور د درولو مخه نیولی شي: د هوايي دفاع سېسټمونه او راکېټونو ته اوکراین کې اړتیا ده، نه په یوه ګدام کې.»