بلخ کې چارواکي وايي چې له دغه ولایت څخه ۲۵ ټُنه حیواني خواړه چې د یاد ولایت په یوه خصوصي شرکت کې تولید شوي، تاجکستان ته لېږدول شوې دي.
د یاد شرکت مسوول محمدافضل افضلي وايي، د حیواني خوړو لومړی جوپه چې ۲۵ ټُنه کېږي، تاجکستان ته صادر شوي دي.
د سلاموطندار پښتو فېسبوکپاڼه وڅارئ
د دغه خصوصي شرکت د مسوول په وینا، ټاکل شوې چې د روان کال پرمهال ۱۰۰۰ ټُنه حیواني خوراک له افغانستان څخه تاجکستان ته ولېږدول شي.
د یاد شرکت د مسوولانو د معلوماتو له مخې، افغانستان دا مهال د حیواني خوړو له اړخه ځانبسیاینې ته رسېدلی او کولای شي چې نورو هېوادونو ته حیواني خواړ صادر کړي.
د بلخ د صنعت او سوداګرۍ ریاست مسوولان ټينګار کوي چې له خصوصي سکټوره به ملاتړ کوي او د توکو صادراتو او تولید برخه کې به ورته اسانتیاوې برابروي.
له دې وړاندې هم له هېواده، د نړۍ نورو هېوادونو ته د افغانستان تولید شوي توکي صادر شوي دي.