بادغیس کې امنیتي مسوولان وايي چې دغه ولایت کې د ځنګلونو ساتنې امنیتي قطعې شپږ کسان د ارچه ونو د پرې کولو په تور نیولي دي.
د بادغیس امنیه قومنداني څخه سلاموطندار په رالېږل شوې خبرپاڼه کې ویل شوي چې شنبه، چنګاښ دویمه د یاد ولایت د غورماچ ولسوالي «شرشر» سیمه کې شپږ کسان د ونو پرې کولو په تور نیول شوې دي.
د سلاموطندار پښتو فېسبوکپاڼه وڅارئ
د خبرپاڼې له مخې، نیول شوي کسان عدلي او قضايي ارګانونو ته سپارل شوې دي.
له دې وړاندې هم دغه ولایت کې ۱۱ کسان د ځنګلونو پرې کولو په تور د شنې قطعې لهخوا نیول شوي وو.
په ورته مهال د بادغیس امنیتي مسوولان له خلکو غواړي چې د ځنګلونو له پرې کولو لاس واخلي او که دا کړنې دوام ولري، قانوني چلن به ورسره وشي.