هرات کې د کانونو او پټرولیم ریاست مسوولان وايي چې دغه ولایت دا مهال له ۲۶کانونو د استخراج چارې روانې دي چې نږدې راتلونکې کې به څلور نورې سترې پروژې هم پیل شي.
د یاد ولایت د کانونو او پټرولیم ریاست د تفتیش امر عنایتالله امیني وايي، نږدې راتلونکې کې به څلور پروژې له هغې ډلې، د سمنټونو پروژه، د غوریان اوسپنې کان بلاکونو، د پشتون زرغون اوسپنې کان او د ډبرو سکرو اړوند پروژې پرانېستل شي.
د سلاموطندار پښتو فېسبوکپاڼه وڅارئ
د نوموړي په وینا، دا مهال د هرات سمنټونو پروژو لومړنیو کارونو کې ۲۰۰ کسان پر کار بوخت دي چې نږدې راتلونکې کې به چارې په رسمي توګه د ۲۶۵ میلیونه ډالرو په ارزښت پیل شي.
د یاد ولایت د کانونو او پټرولیم ریاست د تفتیش امر عنایتالله امیني زیاته کړه چې هرات کې ۳۴ بېلابېل کانونه شتون لري چې له ډلې یې له ۲۶ د استخراج چارې روانې دي.