د فرانسې ولسمشر امانوېل ماکرون نن یکشنبه، مې ۲۶مه د یوه پلاوي په مشري په درې ورځني سفر المان ته سفر کړی دی.
د یاد سفر پرمهال د دواړو هېوادونو د حکومتونو کابینې ګډه ناسته کړې، څو د اروپايي ټولنې د پارلماني ټاکنو په درشل کې خپل یووالی په ډاګه کړي.
د سلاموطندار پښتو فېسبوکپاڼه وڅارئ
د رویټرز خبري اژانس د راپور له مخې، امانوېل ماکرون د فرانسې لومړی ولسمشر دی چې له ۲۴کلونو وروسته د المان پلازمېنې برلین ته سفر کوي.
د اروپا د دوو سترو قوتونو مشران به د لیدنو پرمهال د دواړو هېوادونو د اړیکو ترڅنګ د اوکراین-روسیې جګړې او د امریکا ولسمشریزو ټاکنو په اړه بحث او خپلې اروزنې وکړي.
د فرانسې ولسمشر به د سفر پرمهال له خپلې مېرمنې او مل پلاوي سره د المان ولسمشر فرانک والتر شتاین مایر سره وویني او دوشنبه به د المان درسیډڼ ته سفر وکړي، چېرته چې د دویمې نړیوالې جګړې پرمهال د لوېدیځو متحدانو لهخوا ویجاړ شوی و.
د یاد سفر پر درېیمه ورځ به د فرانسې ولسمشر له برلین بهر مسبرګ ته لاړي او د ګډو همکاریو په تړاو به اغېزمنې خبرې او بحث وکړي.
ماکرون او شولټس دواړه د سیاست کولو بېلابېلې تګلارې لري او ۲۰۲۱کال کې هغه مهال چې شولټس د المان لومړی وزیر شو، په ښکاره توګه یې د دفاع او هستوي وسلو پر سر له فرانسې سره اختلاف څرګند کړ.