روسیي چارواکو ویلي، د انتونوف ـ ۲۴ مسافروړونکې الوتکه چې د دغه هېواد په ختیځ کې نادرکه شوې وه، د ټېنډا ښار په ۱۵کیلومترۍ کې د غرونو په لمن کې پیدا شوې.
روسیي رسنیو راپور ورکړی چې دغه الوتکه کې د ۵ ماشومانو په شمول ۴۳ مسافر سپاره وو او ۶ خدمه درلوده چې ټول وژل شوي.
د روسیې د بېړنیو خدمتونو ادارې ویلي، د پېښې لامل په اړه لومړنۍ څېړنې روانې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
تر دې وړاندې رسنیو راپور ورکړی وو چې نن پنجشنبې سهار د روسیې په ختیځ کې یوه مسافر وړونکې الوتکه چې ۴۳ کسان پهکې سپاره وو ورکه شوې.
راپور کې د روسیې د بېړنیو پېښو وزارت په خبره راغلي چې الوتکه هغه مهال له رادار ورکه شوې چې د روسیې او چین پولې ته نږدې ټېنډا ښار ته د رسېدو په حال کې وه.