د تورخم ګمرک مسوولان وايي چې تورخم ښارګوټي کې یې له پاکستان څخه افغانستان ته د لېږدېدونکو ۴۸۷ کیلو ګرامه چاودېدونکو توکو مخه نیولې ده.
د مسوولانو په وینا، چاودېدونکي توکي چې په ۳۹ کڅوړو کې په یوه باروړونکي موټر کې ځای پر ځای شوي وو، د یاد ګمرک د کارکوونکو لهخوا کشف او نیول شوي دي.
د سلاموطندار پښتو فېسبوکپاڼه وڅارئ
د تورخم ګمرک مسوولانو د نیول شویو چاودېدونکو توکو نوعیت «حلوايي باروت» یاد کړي او په وینا یې، په تړاو یې موټر چلوونکی او یو کمېشنکار نیولي دي.
مسوولانو همداراز ویلي چې د شمسالله امین په نوم شرکت چې له پاکستان څخه افغانستان ته توکي او اموال رالېږدوي، دغه چاودېدونکي توکي یې یوې مازډا ډوله موټر کې ځای پر ځای کړي وو.
د تورخم ګمرک مسوولان داسې مهال له پاکستان څخه د چاودېدونکو توکو د لېږد مخنیوی خبر ورکوي چې له دې وړاندې هم دغه ګمرک کې د چاودېدونکو، نشهيي او نورو توکو د قاچاق مخه نیول شوې ده.