د هلمند مرکز لښکرګاه ښار کې چارواکي وايي چې د ټاکل شوې کمېټې لهخوا دغه ښار کې ۴۵ صرافۍ د فعالیت جواز نهلرلو له امله تړل شوې دي.
دغه کمېټه چې مشري یې د افغانستان بانک مدیر فاروقي اغا کوي، ترڅنګ یې د امنیه قومنداني، د فرمانونو او حکمونو د تعقیب او نظارت ریاست، د اطلاعاتو او فرهنګ ریاست او لښکرګاه ښاروالي استازي هم ګډون لري.
د سلاموطندار پښتو فېسبوکپاڼه وڅارئ
د یادې کمېټې مشر فاروقي اغا سلاموطندار ته وویل: «له دې وروسته ټول باید خپل جوازونه نوي کړي، څو بیاځلې څارنه کې ستاسې صرافۍ بندي نهکړل شي او خپل چارې مو باید د اصولو او مقرراتو مطابق ترسره کړئ.»
د نوموړي په وینا، لښکرګاه ښار کې له ۱۵۶ صرافیو څخه څارنه شوې چې پایله کې یې ۴۵ صرافۍ د جواز نهلرلو له امله تړل شوي دي. «جوړه شوې کمېټه دنده لري، څو په غیري قانوني توګه فعاله صرافیو ته اصولي لارې چارې ولټوي.»
له دې وړاندې د افغانستان بانک صرافانو او د پولي خدمتونو شرکتونو ته خبر ورکړی و چې له دغه بانګ څخه د فعالیت جوازونه واخلي.