د پنجشېر د کلیو بیارغونې او پراختیا ریاست مسوولان وايي چې د دغه ولایت په بېلابېلو ولسوالیو کې یې د ۶۲ میلیونه افغانیو په لګښت ۳۸ بېلابېلې عامالمنفعه پروژې پیل کړي دي.
د یادې ادارې د مسوولانو په وینا، دغه پروژې د شتل، عنابه، ابشار او پریان ولسوالي کې پیل شوي چې د استنادي دیوالونو، د کلیو سړکونو، کانالونو او پلونو رغول پهکې شامل دي.
د پنجشېر د اطلاعاتو او فرهنګ رییس نصرالله ملکزاده سلاموطندار ته ویلي چې پر یادو پروژو به ۶۲ میلیونه او ۶۹۶زره او ۲۲۵ افغانۍ لګښت راشي.
د یاد ولایت د کلیو بیارغونې او پراختیا ریاست د معلوماتو له مخې، یادې پروژې د «CHA» یا د ټولنیز او معیشتي ملاتړ پروګرام او همداراز یونېسف په مالي ملاتړ مخته وړل کېږي.
سلاموطندار پر ټویټر هم وڅارئ
د پنجشېر په څلورو ولسوالیو کې په روانو یادو پروژو کې زرګونه کسانو ته د کار زمینه هم برابره شوې چې له دې لارې د خپلې کورنۍ او ژوند اړتیاوې پوره کوي.