لغمان کې د اطلاعاتو او فرهنګ ریاست مسوولان وايي چې دغه ولایت کې ۳۰۰ کلن، ۱۳ قلمه تاریخي اثار ترلاسه شوي دي.
د لغمان د اطلاعاتو او فرهنګ رییس مولوي عبدالنور رسولي وایي چې د دې ولایت په علیشنګ ولسوالي میاصاحب دېرې زیارت کې ۱۳ قلمه تاریخي اثار ترلاسه او د دې ولایت موزیم ته لېږدول شوي دي.
د سلاموطندار پښتو فېسبوکپاڼه وڅارئ
د نوموړي په وینا، د دې اثارو لرغونتوب له ۳۰۰ څخه تر ۳۵۰ کلونو پورې رسېږي.
د اطلاعاتو فرهنګ ریاست د تاریخي ابداتو د ساتنې عمومي مدیر محمدنادر مخور وایي، په دغه تاریخي اثارو کې چې د میا عبدالکریم په زیارت کې موجود وو، یوکټ، صندوق، نیزه، اونګه، قندانيګانې، مېز، چراغپایه، د اوبو منګی، چمچۍ او نور وسایل شامل دي.
مياعبدالکريم د لغمان د اليشنګ ولسوالي اړوند په میاصاحب دېره نومې کلي کې دفن دی چې یاد کلی د نوموړي شخص په نوم نومول شوی هم دی.