ایران کې د مسافر وړونکي بس موټر چپه کېدو له امله ۲۱ کسانو ژوند بایللی او ۳۴ نور ټپیان شوي دي.
ایراني رسنیو راپور ورکړی چې پېښه تېره ورځ (شنبه، سرطان ۲۸) د ایران د فارس ولایت په «فیروزآباد» سړک شوې ده.
تر اوسه د دغې ټرافیکي پېښې لامل نه دی مشخص شوی، خو په دې اړه یې څېړنې روانې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، ایران له هغو هېوادونو دی چې د نړۍ په سطحه په کې تر ټولو ډېرې ټرافیکي پېښې رامنځ ته کیږي.
د رسمي شمېرو پر اساس، په دغو پېښو کې هر کال شاوخوا ۱۷ زره کسان ژوند له لاسه ورکوي.