د هېواد د شمالي او سوېلي ولایتونو نښلوونکی سړک چې ۲۰۹ کیلومټره اوږدوالی لري، د قیراچونې چارې یې نن یکشنبه د لړم ۲۸مه پیل شوې.
دغه سړک چې د جوړېدو پر چارو یې ۱۵۰ میلیونه ډالر لګښت راځي د هېواد سوېلي ولایتونه له شمال سره نښلوي. په لومړي پړاو کې به دغه سړک د کندهار ارغنداب ولسوالي څخه پیل او د روزګان مرکز ترینکوټ او دهراوود ولسوالي به سره ونښلوي.
د هرات محلي مسوولان وايي چې د چین له لوري د دغه ولایت زلزلهځپلیو سره د ۳۶۰ ټُنه خوراکي او غیرخوراکي توکو مرسته شوې چې یوه برخه یې دغه ولایت ته رسېدلې ده.
د پروان، کاپیسا او پنجشېر ولایتونو یوشمېر اوسېدونکي چې ماشومان یې د «بیزو چیچکې» پر ناروغیو اخته شوي، سلاموطندار ته وايي، دې وروستیو کې دغه ناروغي یې سیمو کې زیاته شوې چې دوی یې اندېښمن کړې دي.
دوی له سرپرست حکومت غواړي چې په یادو ولایتونو کې د دې ناروغي د خپرېدو مخنیوي لپاره جدي اقدامات وکړي.
د اوکراین ولسمشر ولودمیر زېلنسکي د روسیې په ۳۷ ډلو او د دغه هېواد د پخواني لومړي وزیر او پوهنې وزیر په ګډون پر ۱۰۸ کسانو بندیزونه لګولې دي.
زېلنسکي ویلي چې پر یادو ډلو او کسانو یې د بندیزونو لګولو موخه د جګړې پر مهال د اوکرایني ماشومان برمته کولو او د روسیې نورو ترورونو سره مبارزه کول دي.
د فلسطین روغتیا وزارت چارواکي وايي چې د اسراییلی ځواکونو له لوري پر دوو ښوونځیو د هوايي بریدونو له امله سلګونه کسان وژل شوي او ټپیان شوې دي.
برید کې یو ښوونځي د جبالیا کډوالو کمپ کې په نښه شوی او دویم ښوونځی بیا د غزې شمال کې تر برید لاندې راغلی دی.
د هند په کوربهتوب د پیل شوي یو ورځنیو سیالیو نړیوال جام پایلوبه نن کېږي چې کوربه هند به د اسټرالیا پر وړاندې ولوبېږي.
ټاکل شوې چې دغه لوبه نن یکشنبه د نومبر ۱۹مه د هند د احمداباد «نرېندرا مودي کرېکټ لوبغالي» کې ترسره شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
