په هند کې چارواکي وايي چې د یاد هېواد په اړوند هېماچل پردېش ایالت کې د ځمکېښوویېدو له امله لږترلږه ۱۵ کسان مړه شوي دي.
دا پېښه هغه مهال رامنځته شوې چې د ځمکښوویېدنې پرمهال د مسافرو بس موټر تر خاورو او ډبرو لاندې شو.
سیمهییز چارواکي وایي، پېښه د بېلاسپور ولسوالي په یوه غرنۍ سیمه کې رامنځته شوې. د پولیسو د معلوماتو له مخې، په دغه بس کې د پېښې پرمهال شاوخوا ۲۰ تر ۲۵ مسافر سپاره وو. د وژل شویو کسانو په ډله کې نهه سړي، څلور ښځې او دوه ماشومان شامل دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
چارواکي زیاتوي چې د څو ورځو پرلهپسې سختو بارانونو له امله د غرونو خاوره او ډبرې خوځېدلې وې او دا کار د ښوویېدو لامل شوی دی. د ژغورنې ډلې اوس هم د خاورو او ډبرو لاندې د نورو احتمالي قربانیانو د موندلو هڅه کوي.
د هیماچل پردېش چارواکو د خلکو نه غوښتنه کړې چې د ورښتونو پرمهال له سفر کولو ډډه وکړي، ځکه چې د سیمې زیاتره سړکونه د ښوویېدنې له امله د تګ راتګ لپاره خوندي نهدي.