د روسیې د دفاع وزارت اعلان کړی چې د متحده عربي اماراتو په منځګړیتوب د روسیې او اوکراین ترمنځ د بندیانو تازه تبادله شوې ده.
د راپور له مخې، دواړو لوریو د ۱۴۶ پوځیان تبادله کړي دي.
په خبرپاڼه کې ویل شوي: «د اګست په ۲۴ مه نېټه، د روسیې ۱۴۶ سرتېري د اوکراین له ولکې څخه بېرته خپل هېواد ته ستانه شول.” وزارت زیاتوي چې آزاد شوي پوځیان به ژر تر ژره د طبي معایناتو او درملنې لپاره پوځي روغتونونو ته ولېږدول شي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا، اوکرایني چارواکو هم د خپلو ۱۴۶ بندیانو د خوشېکېدو تایید کړی دی. دا تبادله د روان کال په ترڅ کې د بندیانو د تبادلو د څو لړیو یوه برخه ده چې په ترڅ کې یې سلګونه کسان بېرته خپلو کورنیو ته ورګرځېدلي دي.
د بندیانو دغه تبادله د جګړې د سختو حالاتو تر سیوري لاندې کېږي، خو د څارونکو په باور، دا ډول ګامونه ښيي چې دواړه لوري لږترلږه د انساني مسایلو په برخه کې د خبرو ته تیاری لري.