افغانستان ایشلری بوییچه روسیه نینگ مخصوص نماینده‌سی ضمیر کابلوف، هندوستان‌لیک «The week» کونده‌لیگی بیلن اوتکزگن صحبتیده، اسلام امیرلیگی دن ایچکی سیاست‌لری گه اوزگریش کیلتیریشنی طلب قیلگن.
جناب کابلوف، آچیق شکلده اسلام امیرلیگی تامانیدن عیاللر ایشی و قیز اوقووچیلر تعلیمی توخته‌تیلیشیدن تنقید ایتگن.
خلق‌ارا مناسبت‌لر ایش بیلرمانی نظیراحمد رزاقی روسیه نماینده‌سی نینگ بیاناتی باره‌سیده ایتیشیچه: «دنیا همجمعیت هر دایم روس‌لر و چین‌لیکلرنی؛ امنیتی منففعت‌لری اوچون اسلام امیرلیگی بیلن رابطه‌لری بارلیککه عیبلر ایدی، روسیه‌لیکلر اوشبو تنقیدلر گه جواباً بونده‌ی سوزله‌یدیلر.»
بیزلرنینگ فیسبوک صحیفه‌میزگه باش اورینگ!
باشقه بیرقطار ایش بیلرمان‌لر نینگ ایشانچی گه کوره، اسلام امیرلیگی بیلن روسیه مناسبتی گه قره‌گنده، مذکور مملکت بیاناتی و سرپرست حکومت ایچکی سیاست‌لریده اوزگریش کیلتیریش اوچون اقدام‌لر نتیجه بیریشی ممکن.
خلق‌ارا مناسبت‌لر ایش بیلرمانی نورالرحمان ثاقب نینگ ایتیشیچه: «رسمیت گه تانیش و ارتباط اوچون خلق‌ارا قاعده‌لر نظرگه توتیلیشی کیره‌ک، بو خلق‌ارا قاعده‌لردن بیری عیاللر ایشی و قیز اوقووچیلر نینگ تعلیمی دیر، برچه دنیا بوتوغریده بیر قرار گه، روسیه اسلام امیرلیگی بیلن تعامل قیلیش نیتیده بولسه، بو مسئله نظرگه توتیلیشی لازم دیه تشویش ده دیر.
شو بیلن بیرگه، ایش بیلرمان‌لردن قطاری نینگ ایشانچی گه کوره، اقتصادی قیینچیلیک و اسلام امیرلیگی تامانیدن عیاللر گه یره‌تیلگن چیکلاولر، حکومت و یشاوچیلر اورته‌سیده فاصله ایجاد بولیشیگه سبب بولیب و افغانستان بیلن تعامل قیلیش اوستیگه سلبی تأثیر قیلیشی ممکن.
بیزلرنینگ توییترده هم تعقیب قیلینگ!
سیاسی مسئله‌لر بوییچه ایش بیلرمان میرویس آشفته نینگ ایتیشیچه: «یشاوچیلر نینگ روحی خوفسیزلیگی کونسه‌یین یامانلشماقده و اقتصادی قیینچیلیک‌لر هم کوپه‌یگن، بو گَل اسلوب بیلن افغانستان ایریم چیکلاولر گه دوچ بوله‌دی، افغانستان ده سعودی عربستان و امارات کبی نماینده‌لیکلر یاپیلدی، مستقیم و غیر مستقیم اوشبو یاردم‌لرنی قولدن بیریش ممکن.»
عین‌حالده، اسلام امیرلیگی حاکمیتیدن کیین، روسیه اسلام امیرلیگی بیلن یخشی مناسبت قورگن و اوتگن بیر یریم ییل ده، مذکور ایکی مملکت نینگ اقتصادی مناسبتی کینگه‌یماقده دیر.
