اروپا اتفاقی، افغانستان ده انسان حقلری نقض ایتیلیشی دوامی اوچون، اسلام امیرلیگی رسمیلری گه قرشی ینگی تحریملر وضع ایتیلیشیدن خبر بیرگن.
گرچند اروپا اتفاقی اوشبو تحریملر حقیده ایضاح کیریتمهگن بولسه ده، بیراق افغانستان یشاوچیلری نینگ اقتصادی وضعیتی اوستیگه سلبی تأثیر قیلمسلیگیدن ایشانچ بیرگن.
بیزلرنینگ فیسبوک صحیفهمیزگه باش اورینگ!
سیاسی ایش بیلرمان طارق فرهادی، اروپا اتفاقی تامانیدن اسلام امیرلیگی رسمیلری گه قرشی وضع ایتیلهدیگن تحریملر خصوصیده سلاموطندار گه ایتیشیچه: «نیکلاسون قندهار گه قیلگن سفری دایرهسیده، اسلام امیرلیگی رسمیلری بیلن مذاکره قیلگن، اوشبو مذاکره ده قیزلر مکتبی ایشیگی تیزلیک بیلن آچیلمسلیگی معلوم قیلینگن، بو قرار اروپا اتفاقی اوچون انسان حقلرینی نقض قیلیش معناسیده دیر. بروکسل ده آلینگن قرارلر اساسیده، اسلام امیرلیگی رسمیلری و عایله اعضالریدن قطاری تحریم بولیشی کوتیلهدی.»
ایش بیلرمانلردن باشقه بیرقطاری نینگ ایشانچی گه کوره، دنیا جماعهچیلیگی و اسلام امیرلیگی ارا قرمهقرشی لیکلر افغانستان ده انسانی بحراننی کوچهیتیریشی ممکن و اوشبو وضعیت نی باشقریش اوچون اسلام امیرلیگی دنیا جماعهچیلیگی نینگ خواستلری گه تن بیریشی کیرهک.
سیاسی ایش بیلرمان عبدالجبار اکبری نینگ ایتیشیچه: «اسلام امیرلیگی گه قرشی تحریملر وضع ایتیلیشی حکومت نی تنزل گه یوز توتیشی گه سبب بولهدی، شونی اوچون اسلام امیرلیگی خلقارا قانون_قاعدهلرنی رعایت ایتیشلری کیرهک.»
بیراق اسلام امیرلیگی، جهان بیلن تعامل قیلیش و موجود قیینچیلیکلر حلی اوچون، تحریملر وضع ایتیلیشینی حل یول بیلمهیدی.
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی نینگ اورین باسرلریدن بلال کریمی نینگ سلاموطندار گه ایتیشیچه: «بو مسئلهلرنی دیپلوماتیک و مذاکره آرقهلی حل قیلیش ممکن، برچه مسئلهلر اوزلری قبول قیلگن قانونی یوللر بیلن ایزلهنیشی لازم.»
برچهسی بیلن، دنیا جماعهچیلیگی اوتگن بیر یریم ییل ده ترقهتگن علیحده بیانیهلریده، اسلام امیرلیگی دن افغانستان فقرالری اینیقسه خاتین قیزلر نینگ حقوقی تأمین ایتیلیشینی سورهگن؛ بیراق بو خواستلر اسلام امیرلیگی تامانیدن حاضرگچه قبول قیلینمهگن و عکسینچه عیاللر گه قرشی چیکلاولر کوچهیتیریلگن.
ایتیش کیرهک که، اسلام امیرلیگی رسمیلریدن قطاری بیرلشگن ملتلر تشکیلاتی نینگ قاره رویخطی گه کیریتیلیب و خارجی سفرلردن منع بولگنلر.