ترکمنستان طبیعی گازلرنینگ افغانستان، پاکستان و هند گه انتقال بیریش یا تاپی پروژه‌سی نینگ ایشی قیته باشلنه‌دی.
کانلر و پترولیم وزیرلیگی سرپرستی شهاب‌الدین دلاور، بوگون کابل ده ترکمنستان تشقی ایشلر وزیرلیگی اورین‌باسری وفا حاجی‌یوف حضوری ده ایتیشیچه، تاپی پروژه‌سی افغانستان، پاکستان و هند اوچون اونملی بولگن پروژه‌لردن بیری دیر که اونینگ ایشی قیته باشله‌نیشی ممکن.
کانلر و پترولیم وزیرلیگی سرپرستی نینگ کوپه‌یتیریشیچه، ۴۰ ییل اوروش و ناتینچلیک مملکتده پروژه‌لر تطبیق ایتیلیشی گه جدی توسیق بولگن.
بیزلرنینگ فیسبوک صحیفه‌میزگه باش اورینگ!
شهاب‌الدین دلاور گه کوره، افغانستان ده کوپ طبیعی منبع‌لری بار و اسلامی امارت مملکتده کتته پروژه‌لرنی تطبیق ایتیش بیلن، خودکفالیککه ییتیشیش اوچون حرکت قیله‌دی.
شونینگدیک او آمو پروژه‌سی، مس عینک پروژه‌سی و باشقه نیچه پروژه اوستیگه ایش باشله‌نیشیدن خبر بیرگن.
تاپی پروژه‌سی قویاش ۱۳۹۶- ییل ترکمنستان، افغانستان، پاکستان و هند آره‌سیده امضالندی، بیراق افغانستان ده اونینگ عملی ایشی حاضرگچه باشلنمه‌گن.
تاپی پروژه‌سی منطقه و اینیقسه ۴ اعضا مملکت‌لرگه کتته اقتصادی، امنیتی، اجتماعی و فرهنگی فایده‌لرگه سبب بولیب و بو پروژه نینگ اوتیشی دن افغانستان هر ییل ۴۰۰ الی ۵۰۰ میلیون دالر درآمد قولگه کیلتیریشی ممکن.