آمریکا عیاللری صلح وتعلیم هیأتی،اوتگن هفته افغانستانده کیلگن ایدیلر اولر قیلگن فعالیت‌لری نینگ نتیچه سینی بوگون کابلده خبری بیر ییغینده رسانه‌لر بیلن اورته‌گه قویدیلر.
اوشبو هیات برچه قیزلر نینگ مکتب‌لری آچیلیشی، افغانستان نینگ توسیلگن سرمایه‌لری آزادایتیلیشی و بو مملکت خلقی گه انسان پرورلیک یاردم‌لر دوامی اوستیگه تأکید ایتدیلر.
آمریکا صلح و اورگنیش هیأتی نی ییتکچیلیک قیلگن افغان – آمریکالیک عیال، مسعوده سلطان نینگ مذکور ییغینده ایتیشیچه، اسلامی امارت و آمریکا افغانستان یشاوچیلری و اینقسه خاتین – قیزلر آرزو آرمانلریگه ایریشیش اوچون یاردم قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌تیریشیچه، اولر خاتین – قیزلر معماسی و افغانستان یشاوچیلری نینگ اقتصادی قیینچی‌لکلرینی اسلامی امارت مقاملری بیلن اورته‌گه قویب ، و بو قیینچی‌لکلرنی حل ایتیلیشینی سوره‌گن‌لر، نتیجه‌ده اسلامی امارت مقاملری، مکتب‌لر آچیلیش پیتینی مشخص قیلمه‌ی اولر قیزلرمکتب‌لرینی، برچه قیز اوقوچی‌لریوزیگه آچیش وعده‌سینی بیرگن‌لر.
شونینگدیک اوشبو هیأت اعضالری نینگ ایتیشیلریچه، افغانستان نینگ ارزی بایلیک‌لری آزاد ایتیلیشی اوچون آمریکا نینگ مقاملری اوستیگه باسیم کیلتیریب و مذکور پوللر افغانستانده قیته‌ریلیشی اوچون دادخواه‌لیک قیلگن‌لر.
شونده‌ی بیرحالده، ۱۱ سپتمبر قربانلری نینگ عایله اعضالریدن بیری و اوشبو هیأت اعضاسی کلی کمپبل نینگ ایتیشیچه، ۱۱ سپتمبر حادثه‌سی قربانلری نینگ عایله‌لری، آمریکادن ایسته‌گن‌لر افغانستان نینگ ارزی دارایی‌لری اوشبوعایله‌لرگه تیگیشلی ایمس دیر، افغانستانده قیته‌ریلیشی کیره‌ک. اونگه کوره: «بوییرگه کورگن نرسه‌لریم گه مینی ایشانچیم بار، بومملکت نینگ پوللری تیزلیک بیلن افغانستان بانکی سیستمی گه قیته‌ریلیشی کیره‌ک. تابولسه که اوشبو مملکت نینگ اقتصادی عادی حالت گه قیتسین.»
شونیگدیک، اوشبو هیأت اعضالری نینگ ایتیشلریچه، حاضر افغانستان نینگ بشری وضعیتی خواطرلی دیر و اولر افغانستانده انسان سیورلیک یاردم بیرلیشینی سوره‌یدیلر.
بیزلرنینگ توییترده هم تعقیب قیلینگ!
ایتیش کیره‌ک دیر که نیچه پیت آلدین افغانستان نینگ ارزی دارایی‌لریدن بیر بولیمی ۱۱ سپتمبر واقعه‌سی نینگ قربانلریگه تاوان اوله‌راق توله‌نیشی توغریسیگه آمریکا جمهور رئیسی جوبایدن نینگ آلگن قراری کوپینچه ایچکی و تقشی عکسالعمللرگه سبب بولدی؛ بیراق حاضرگه قدر بو فرمان لغو ویا عملی ایتیلیشیدن هیچ بیر خبر یوق.
شونینگدیک اسلامی امارت تامانیدن ۶- صنف‌دن یوقاری قیزاوقوچی‌لریوزیگه مکتب‌لر باغلنگنی کوپینچه عکسالعمللرگه سبب بولگن و اسلامی امارت رسمی‌لری نینگ ایتیشلریچه، مکتب‌لر نینگ آچیلیش لایحه‌سی اوستیگه ایشله‌ماقده‌لر؛ بیراق حاضرگچه قیزلر مکتبی نینگ آچیلیش زمانی انیق‌لنمه‌گن دیر.
