افغانستان ده بیرلشگن ملتلر تشکیلاتی اورینباسرلیک هیئت ادارهسی (یوناما)، پاکستان آرقهلی افغانستاننینگ اوچ ولایتیگه اویوشتیریلگن سونگی هجوملر نتیجهسیده، ۲۳ تینچاهالی اولیب و یرهلنگنینی ایتگن.
یوناما، بوگون (۲۱-جوزا، پنجشنبه)، اکس صحیفهسیده یازیشیچه، کیسکینلیکنی کمهیتیریش، برقرار آتیش کیسیننی تامینلش، تینچاهالینی سقلش همده پاکستان و اسلام امیرلیگی آرهسیدهگی کیلیشماوقچیلیکنی مذاکرهلر یولی آرقهلی حل ایتیش ضرورلیگیگه تاکید قیلگن.
افغانستان ده بیرلشگن ملتلر تشکیلاتی اورینباسرلیک هیئت ادارهسی، شونینگدیک انسانسیورلیک یاردملر انتقال بیریلیشی اوچون پاکستان و افغانستان آرهسیدهگی چیگره قتناو یوللری آچیلیشینی ضرور دیگن.
پاکستان اردوسی، جاری هفته سهشنبه کونی افغانستان شرقیده خوست، کنر و پکتیکا ولایتلرینی هوا هجوملری بیلن نشانگه آلدی که اونینگ نتیجهسیده، ۱۱ باله شامل ۱۳ تینچاهالی «شهید» و بیر قطار کیشی یرهلندی.
