ینگی‌لیکده، انسان حقلری کوزه‌تووچی تشکیلاتی ترقه‌تگن گزارشی ده ایتیشیچه، پاکستان پولیسی افغانستان‌لیک قاچقینلر نینگ اوشبو مملکت دن جبر دن چیقریش پیتیده اولر بیلن یامان یانده‌شیب و برچه نرسه‌لرینی تارتیب آلگن.
انسان حقلری کوزه‌تووچی تشکیلاتی نینگ عیاللر بولیمی مدیری اورین باسری هدر بار نینگ سلام‌وطندار گه ایتیشیچه: «پاکستان‌لیک‌لر یالغیز افغانستان‌لیک‌لر نی چیقرمه‌یدی، بلکیم اولر نینگ چیقریش پیتیده، ناتوغری یانده‌شه‌دی.»
بیزلرنینگ «ایکس» ترماغی ده هم تعقیب قیلینگ!
هدر بار نینگ کوپه‌یتیریشیچه، انسان حقلری کوزهتووچیسی گزارشی‌ده افغانستان‌لیک قاچقینلر نینگ قولگه آلینیشی، اذیت بولینیشی و اولر نینگ نرسه‌لری اورته‌دن کیتیشی ثبت بولگن دیر. اونگه کوره، پاکستان‌لیک مسئوللری افغانستان‌لیک قاچقین‌لردن بیر قطاری نینگ مهاجرت کارت‌لری نی اورته‌دن کیتگزگن دیر.
انسان حقلری کوزهتووچیسی گزارشی نینگ بیر بولیمی‌ده کیلیشیچه، پاکستان‌لیک رسمی‌لری افغانستان‌لیک قاچقینلر برابریده کیینگ بوزمه‌کارلیک‌لر و اولر نینگ پاکستان‌دن چیقیش اوچون مجبور قیلیش گه عیب‌لنگنلر.
شونده‌ی بیرحالده، اوتگن نیچه کون ده اسپین‌بولدک-چمن و تورخم یولی‌دن مملکت گه قیتگن افغانستان‌لیک قاچقین‌لردن قطاری نینگ ایتیشلریچه، پاکستان پولیسی اولر نی اذیت بیلن چیقریب و سرمایه‌لری نی ضبط قیلگنلر.
پاکستان نینگ کویته شهری‌دن ایکی کون آلدین مملکت گه قیتگن ۳۷ یاشر جان‌باز نینگ ایتیشیچه: «کویته ده پولیس آرقه‌لی قولگه آلیندیم، ۲۷ مینگ کلداریم بار ایدی اونی آلدیلر و توهین قیلدیلر. اوندن کیین مین و عایله‌م نی جبردن چیقردیلر.»
شونده‌ی بیرحالده، پاکستان نینگ چمن شهری‌دن ایکی کون آلدین چیقریلگن ۳۰ یاشر مطیع‌الله نینگ ایتیشیچه، پاکستان پولیس کوچلری اویی گه هجوم قیلیب، او و عایله‌سی نی قولگه آلیب و کیین ایسه افغانستان گه یوباریلگنلر.
پاکستان دن قیتگنلردن باشقه بیری سید‌جان نینگ ایتیشیچه، پاکستان دن چیقریلمه‌سلیکدن آلدین، مذکور مملکت اونینگ مهاجرت کارتی نی ییرتیب تشله‌گن دیر. «باش‌ده حجت‌لی کیشی‌لر نی چیقرمه‌یمیز دیگن ایدیلر؛ بیراق مینی کارتیم بار ایدی، کارتیم نی ییرتیب تشله‌دیلر. مین و عایله‌م ده بیش تور کارتی‌میز بار ایدی. مینی قولگه آلدیلر و توهین قیلدیلر. برچه سرمایه‌م قالدی.»
بیزلرنینگ فیسبوک صحیفه‌میزگه باش اورینگ!
اسلام امیر‌لیگی سوزلاوچیسی ذبیح‌الله مجاهد، پاکستان پولیسی آرقه‌لی افغانستان‌لیک مهاجرلر نینگ اذیت بولینیشی نی، خلق‌ارا قاعده-قانون گه و قوشنی‌لیککه قرشی عنوان قیلیب و ایتیشلریچه: «اسلام امیر‌لیگی افغانستان‌لیک مهاجرلر نینگ مملکت گه قیتیشلری اوچون تشویق بولیش‌لری کیره‌ک؛ بیراق اولر نینگ اذیت بولمه‌سلیگی، زیان ییتیشمه‌سلیگی، حبس گه آلینمه‌سلیگی و نرسه‌لری نینگ قوللریدن آلینمه‌سلیگی کیره‌ک.» مجاهد نینگ کوپه‌یتیریشیچه، باشقه مملکت‌لرده افغانستان‌لیک مهاجرلر بیلن، خلق‌ارا قاعده-قانون گه قرشی یانده‌شیلمه‌سلیگی کیره‌ک.
پاکستان ده افغانستان ایلچی‌خانه‌سی نینگ آماری اساسیده، پاکستان دن افغانستان‌لیک ناقانونی قاچقینلر نینگ چیقریلیش پروسه‌سی باشلنگنی‌دن بیری، ۴۰۰ مینگ‌دن آرتیق افغانستان‌لیک قاچقین مذکور مملکت نی ترک قیلگن دیر.
