تاریخ بویلب افغانستان و ایران مناسبتی ایریم وضعیت‌لر گه گواه بولیب کیلگن و اوتگن ایکی ییل ده ایریم قرمه قرشی‌لیک و کیسکین‌لیکلر بیلن، مذکور ایکی مملکت حکومت‌لری ییترلیچه اوز مناسبت‌لرینی سقلش گه اولگورگن.
حاضرگی کونده ایران باشقه بیر قطار مملکت‌لر یانیده، افغانستان نینگ تهران ده‌گی ایلچیخانه‌سینی اسلام امیرلیگی گه تاپشیرگن و ایکی مملکت حکومت‌لری بیر قطار هیئت‌لرنی یوباریش بیلن مناسبت‌لرینی مستحکم‌لش مقصدیده سعی‌وحرکت قیلیب کیلگنلر.
ایش بیلرمان‌لر نینگ ایشانچی گه کوره، ایکی مملکت نینگ سیاسی، اقتصادی و خوفسیزلیک قوشمه مناسبت‌لری بارلیگی باعث، مذکور ایکی مملکت بیر_بیری بیلن تعامل قیلیش گه مجبور بولگنلر.
سیاسی ایش بیلرمان محمدباقر محسنی گه کوره: «قوشمه منفعت گه علاوه، قرشی‌لیک‌لر مملکت‌لرنی بیر_بیری بیلن تعامل قیلیب و قوشمه منفعت‌لرینی ایزلش گه مجبور قیله‌دی.»
بیزلرنینگ فیسبوک صحیفه‌میزگه باش اورینگ!
افغانستان و ایران نینگ تعاملی بولیشی بیلن؛ بعضی موردلرده قرمه قرشی‌لیک‌لری بولیب و ایکی مملکت نینگ مناسبتی اوستیگه سلبی تأثیر قیلیشی ممکن.
ایران ده افغان قاچقین‌لری نینگ قیینچیلیگی و هلمند دریاسیدن ایران حق‌آبه‌سی، افغانستان و ایران مناسبتی اوستیگه سلبی تأثیری بولگن موردلردن سنله‌دی.
ایکی مملکت ارا ایریم قرمه قرشی‌لیک‌لر باعث، اوتگن ایکی ییل ده ایران و اسلام امیرلیگی چیگره‌چیلری بیش مرته توقنشگن و اوشبو توقنشوولردن قطاری ساعت‌لرچه دوام قیلیب و ایکی تامان نینگ اولیب و یره‌لنیشی گه سبب بولگن.
ایش بیلرمان‌لر دن بیرقطاری نینگ ایشانچی گه کوره، ایران و اسلام امیرلیگی اوز منفعت‌لرینی خارجی سیاست‌لری اساسیده ایزلش اوچون تلاش قیلماقده‌لر.
خلق‌ارا مناسبت‌لر ایش بیلرمانی شمشاد کاظمی نینگ ایتیشیچه: «ایران کوپراق استراتیژیک اویین اوینه‌یدی، ایران هر دایم افغانستان و منطقه ده منفعتینی ایزله‌یدی، ایران افغانستان دن فایده‌لنیش اوچون سعی‌وحرکت قیلیب و غرب مملکت‌لری اینیقسه امریکا و چین گه اسلام امیرلیگی بیلن استراتیژیک مناسبتی بارلیگینی کورسه‌تیشنی ایسته‌یدی.»
ایران و اسلام امیرلیگی حکومتی ایکی مملکت آره‌سیده موجود قیینچیلیک‌لرنی حل قیلیش اوچون نیچه مرته هیئت یوباریب و ایکی مملکت تشقی ایشلر وزیرلری تیلیفونی علاقه قورگن بولسه‌لرده؛ بیراق بو تلاش‌لر نتیجه بیرمه‌گن.
بیزلرنینگ توییترده هم تعقیب قیلینگ!
خلق‌ارا مناسبت‌لر ایش بیلرمانی سیدضیا حسینی، گرچند ایکی حکومت نینگ دیپلوماتیک ملاقات‌لری و مناسبت‌لرینی قیینچیلیک‌لر حلی اوچون اونملی بیلسه ده، بیراق قرشی‌لیک‌لر بوتونلی حل بولیشی اوچون، ایکی مملکت تامانیدن جدی اقدام بولیشی اوستیگه تأکید ایته‌دی.
او نینگ کوپه‌یتیریشیچه: «حق‌آبه مسئله‌سی، سیاسی بحث گه قوشیمچه تخنیکی بیر بحث دیر، ایکی تامان تخنیکی تیم‌لر و مذاکره‌لر بیلن بو مسئله گه چیک قوییش‌لری ممکن.»
ینگی‌لیکده، ایران ملی کینگش اعضالری دن ییتتی کیشی‌لیک بیر هیئت افغانستان گه سفر قیلیب و سرپرست حکومت رسمی‌لری بیلن اوچره‌شوولریده، اسلام امیرلیگی رسمی‌لری ایران بیلن تعامل قیلیش گه علاقه کورستگنلر.
بونگه قوشیمچه، سرپرست حکومت تشقی ایشلر وزیرلیگی نینگ سرپرستی امیرخان متقی، ایران تشقی ایشلر وزیری امیر عبداللهیان بیلن تیلیفونی علاقه ده، اوندن افغانستان گه سفر قیلیشینی سوره‌گن.
