مملکت ایکینچیلیک، چاروهچیلیک و سوغاریش وزیرلیگی چهارشنبه کونی، ۳۱ اسد، اوز تویتری ده، اوشبو وزیرلیک سرپرستی ایران گه قیلگن سفری دایرهسیده، ایران نینگ ایکینچیلیک وزیری اورین باسری، تدقیقات مرکزی، اورگهتیش و ایکینچیلیک نی رواجلنتیریش باشلیغی مجتبا خیام نکوئی بیلن اوچرهشگنیدن خبر بیرگن.
مملکت ایکینچیلیک، چاروهچیلیک و سوغاریش وزیرلیگی نینگ سرپرستی عطاءالله عمری بیلن اوچرهشگن ایران ایکینچیلیک وزیری نینگ اورین باسری مجتبا خیام نکوئی، ایکینچیلیک اوروغلری و تعلیم بولیملریده افغانستان گه یاردم بیریشیدن ایشانچ بیرگن.
بیزلرنینگ فیسبوک صحیفهمیزگه باش اورینگ!
ایران ایکینچیلیک وزیری نینگ اورین باسری گه کوره، اولر افغانستان دهقانلری گه اوسیملیک طبیعی کسللری، افریقایی چیگیرتکهلرنی یوق ایتیش ده یاردم بیرهدی.
مولوی عطاءالله عمری وزیر زراعت امارت اسلامی افغانستان که به دعوت رسمی جمهوری اسلامی ایران به آن کشور سفر کرده با مجتبی خیام نکوئی معاون وزیر جهاد کشاورزی و رییس مرکز تحقیق، آموزش و ترویج زراعتی ایران دیدار کرد. | MAIL https://t.co/FVhgUQPiHI pic.twitter.com/eoQz9zZShM
— Ministry of Agriculture-Afghanistan (@MAIL_AF) August 22, 2023
عینحالده، عطاءالله عمری ایران ایکینچیلیک وزیری اورین باسری نینگ همکارلیک قیلیش وعدهسینی خوش قرشیلب ایتیشیچه، ایکینچیلیک بولیمیده تدقیقاتی ایشلاوچیلر ظرفیتینی آشیریش، افریقایی چیگیرتکهلرنی یوق ایتیش و ایران ایکینیچلیک متخصصلری نینگ تجربهلریدن فایدهلنیش اوچون، افغانستان ایکینچیلیک وزیرلیگی نینگ بیر قطار ایشلاوچیلرینی اوشبو مملکت گه یوبارهدی.
بیزلرنینگ توییترده هم تعقیب قیلینگ!
ایتیش کیرهک که، مملکت ایکینچیلیک، چاروهچیلیک و سوغاریش وزیرلیگی سرپرستی عطاءالله عمری، دوشنبه کونی، ۳۰ اسد، ایکینچیلیک بولیمیده افغانستان و ایران نینگ مناسبتلرینی مستحکملش مقصدیده اوشبو مملکت گه سفر قیلگن.