اوزبیکستان دولت رهبری شوکت میرضیایف، تورکی دولتلر تشکیلاتینینگ «صنعی هوش و دیجیتال رواجلنیش» ییغیلیشیده اشتراک ایتیش اوچون قزاقستاننینگ تورکستان شهریگه ییتیب باردی.
اوزبیکستان جمهورلیک ریاستی سرایی، بوگون (۲۵ ثور/۱۵ می، جمعه) بیر بیانیه ترقهتیب میرضیایف «حضرت سلطان» خلقارا هوا قونالغهسیده قزاقستان ییریک عملدارلری تامانیدن کوتیب آلینگن.
اوشبو ییغیلیشده، تورکی دولتلر تشکیلاتیگه اعضا مملکتلر صنعی هوش و دیجیتال رواجلنیش مسئلهلری حقیده بحث ایتیش یانیده، بو دولتلر اورتهسیدهگی همکارلیک، منطقهوی علاقهلر و قطار استراتیژیک مسئلهلر حقیده بحث قیلیشلری کوتیلهدی. اونده اشتراک ایتووچی دولتلر رهبرلری سیاسی، اقتصادی و مدنی یونهلیشلردهگی همکارلیکنی کینگهیتیریش مسئلهلریگه علیحده اعتبار قرهتهدی.
بوندن اول، تورکیه جمهور باشلیغی رجب طیب اردوغان تورکستان شهریده صنعی هوش و دیجیتال رواجلنیش مسئلهسی حقیده اوتکزیلهدیگن ییغیلیشده اشتراک ایتیش اوچون قزاقستان گه بارگن.
قزاقستانده اوتکزیلهدیگن ییغیلیش فقط دیپلماتیک اوچرهشوو ایمس، بلکی تورکی دنیا اوچون کیلهجک تکنالوژی بارهسیده مذاکره میدانیگه ایلنیشی ممکن. صنعی هوش ایندی خیالی بیر نرسه ایمس – او اقتصادیات، دولت باشقرووی و منطقهوی همکارلیکنینگ ینگی تیلیگه ایلنماقده.
