کابل ده جایلشگن سلام افغانستان میدیا مؤسسهسی (سلاموطندار رادیوسی)، تامانیدن اوتکزیلگن افغانستان یاشلرینینگ صنعی هوشدن فایدهلنیش درجهسی حقیدهگی سوراوی نتیجهلری اوشبو موسسه ادارهسیده بولیب اوتگن ییغیلیشده معلوم قیلیندی.
بوگون (۱۴-ثور، دوشنبه)، حکومت مسئوللری، بیلیم یورت استادلری و ایچکی ییتکرمهلردن قطارینینگ حضوری بیلن اوتکزیلگن مذکور ییغیلیشده، «یاشلر آرهسیده صنعی هوشدن فایدهلنیش درجهسی، اونینگ مصلحت بیریش رولی و اجتماعی عاقبتلری بوییچه اوتکزیلگن تدقیقات» نتیجهلری، سلاموطندار تدقیقات تیمی تامانیدن تقدیم ایتیلدی. افغانستاننینگ ۳۲ ولایتیده و ۱۵۴ مینگ کیشینینگ شرکت قیلیشی بیلن اوتکزیلگن مذکور سوراو گه کوره، صنعی هوش یاشلرنینگ کوندهلیک حیاتیده کوتیلگندن هم کوپراق اورین ایگهلگن. جواب بیرگنلردن ۸۸ فایزی اوشبو تکنولوژی بیلن تانیشیب و اولردن اوچدن ایکی قسمیدن کوپراغی ایسه (۶۶.۶ فایز) منظم شکلده اوندن فایدهلنماقده.
معلوماتلر اساسیده، صنعی هوش شرکت قیلگن یاشلردن کوپینچهسی اوچون مصلحت بیرووچی بیر بولیمگه اَیلنگن. شوندهی بیرحالده، جواب بیرگنلردن ۸۲ فایزینینگ ایتیشیچه، صنعی هوش مصلحتلریگه یوز کیلتیریش بیلن، اولرنینگ دوست و عایله اعضالری بیلن گپلهشیش و مصلحت آلیشلری کمهیب همده ۵۸.۱ فایزی هم قرار آلیشلرینینگ «ماشینلنیشی» گه نسبت خواطر بیلدیرگنلر.
مخابرات و معلوماتی تکنولوژی وزیرلیگی سوزلاوچیسی عنایتالله الکوزی، بو تشبثنی خوش قرشیلش یانیده ایتیشیچه، افغانستان جمعیتینینگ سنتی و اعتقادی خصوصیتلریگه توجه قیلیش بیلن، توزلی حوزهلرده صنعی هوشدن فایدهلنیشنینگ کوپ احتیاط قیلیشگه نیازی بار. اونگه کوره، مذکور وزیرلیکده مخصوص بیر تیم افغانستان ده اوشبو تکنولوژیدن قندهی فایدهلنیشنینگ تیکشیرماقده.
تکنولوژی ایش بیلرمانی قریبالله آرین، بو اقدامنی ارزشلی دیب و صنعی هوشنینگ نظری سطحیدن عملی باسقیچیگه اشاره قیلیب و اورغولشیچه، اوشبو تکنولوژی کوپ اختصاصلنگن واسطهلرگه ایگه بولیبو مسلکی طرزده اورگهتیلیشی لازم. اونینگ کوپهیتیریشیچه، صنعی هوشدن یخشی شکلده فایدهلنیش اوچون جمعیت اینیقسه یاشلر آرهسیده، دیجیتل سوادی درجهسینینگ کوپهیشی ضرور دیر.
شوندهی بیرحالده، بیلیم یورت استادی سیدحبیبالله عاقلی، بو سوراو اوتکزیلگنینی مهم بیر آدیم دیب و صنعی هوشنینگ حددن تشقری فایدهلنیش عاقبتلریگه نسبت آگاهلنتیرگن. اونینگ ایتیشیچه: «مذکور عاقبتلرگه توجه قیلینمهگنی صورتده، کیلهجک اینیقسه بیلیم یورتلرده انسان ذهنی بیلن تولید بولگن و صنعی هوش آرقهلی تولید بولگن نرسهنینگ انیقلش قیین بولیب و بو جدی بیر بحران گه اوزگریشی ممکن.»
صنعی هوشدن فایدهلنیشگه یاشلرنینگ قیزیقیشی آرتیب باره یاتگن بیر پیتده، حتا بو ساحهده ایلگری بولگن مملکتلرده هم اوشبو تکنولوژیدن فایدهلنیش بوییچه انیق حقوقی اساسلر ایشلب چیقیلمهگن.
