تورکیه دولت رهبری رجب طیب اردوغان، اروپا اتفاقی بو مملکتسیز دنیا کوچ مرکزیگه ایلنه آلمسلیگینی بیلدیردی.
آنادولو ییتکرمهسی گه کوره، اردوغان اروپا اتفاقینی انقره گه نسبتن سیاسی یاندهشووینی قیته کوریب چیقیشی کیرهک دیگن.
اردوغاننینگ تأکیدلشیچه، اروپا اتفاقی تورکیهنینگ موضعسیده فتور ییتکزهدیگن بیانات و حرکتلردن تییلیشی لازم. اونینگ فکریچه، بروکسل انقرهنینگ ایجابی یاندهشووینی قوللب-قوتلشی کیرهک.
اردوغان، اروپا اتفاقی تورکیهسیز دنیا کوچ مرکزیگه ایلنه آلمسلیگینی تأکیدلب، اتحادیهنینگ ایریم نهادلریده استراتیژیک قیینچیلیک هنوز بارلیگینی بیلدیردی. اونینگ سوزلریگه کوره، مسئله تورکیهنینگ موضعسی ایمس، بلکی بروکسلنینگ کیلهجکده اوزینی قندهی کوریشیده.
تورکیه رهبری اروپا اتفاقیگه اعضالیک جریانی میلادی ۱۹۹۵ ییلدن بیری دوام ایتهیاتگنینی ایسلهتیب، انقره بو یولده کوپلب عدالتسیز یاندهشوولرگه دوچ کیلگنینی قید ایتدی. شونگه قرهمی، تورکیه تولیق اعضالیک مقصدیدن واز کیچمهگنینی بیلدیردی.
اونینگ سوزلریگه کوره، دنیا کوپ قطبلی تیزیمگه اوتماقده و تورکیه اوشبو ینگی جهان توزیلمهده ییتکچی مرکزلردن بیریگه ایلنیش صلاحیتیگه ایگه.
اردوغان، اروپا اتفاقیدهگی قرار قبول قیلوچیلرنی تاریخی و سیاسی کیلیشهلردن واز کیچیب، تورکیه بیلن تینگ و صمیمی مناسبتلر اورنهتیشگه چقیردی.
