ایچکی ایشلر وزیرلیگی سرپرستی سراج‌الدین حقانی، سرپرست حکومت خلق‌ارا نهادلر گه اعضا بولیشی کیره‌ک دیگن.
سرپرست حکومت ایچکی ایشلر وزیرلیگی بوگون (چهارشنبه، ۲۷-جدی)، ایکس اجتماعی ترماغیده یازیشیچه، سراج‌الدین حقانی بو موضوع نی افغانستان ده اروپا اتفاقی ایلچیسی رافایلا یودیچه بیلن اوچره‌شوو ده بیان قیلیب و خلق‌ارا ییغیلیش‌لر ده افغانستان نینگ نماینده‌سی حضوری بولیشی، مسئله‌لر حلی اوچون یاردم بیریشی ممکن دیگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی نینگ کوپه‌یتیریشیچه، بو اوچره‌شوو ده خانم یودیچه ایچکی ایشلر وزیرلیگی سرپرستی بیلن کیله‌سی آی دوحه ییغیلیشی حقیده بحث ایتگن.
ایچکی ایشلر وزیرلیگی گه کوره، اوشبو ییغیلیش افغانستان ایشلری گه دخیل مملکت‌لر آره‌سیده بولیب اوته‌دی.
اروپا اتفاقی مذکور ییغیلیش قنده‌ی‌لیگی حقیده ایضاح کیریتمه‌گن بولسه ده، بیراق بوندن آلدین افغانستان وضعیتی گه دایر مملکت‌لر نینگ مخصوص نماینده‌لری ییغیلیشی بیرلشگن ملتلر تشکیلاتی باش کاتبی نینگ میزبان‌لیگی بیلن بولیب اوتیشی کوتیلر ایدی.
بیزلرنینگ «ایکس» ترماغی ده هم تعقیب قیلینگ!
اوشبو ییغیلیش قطر نینگ دوحه شهری ده بولیب اوتیشی کوتیله‌دی.
سرپرست حکومت حاضرگچه هیچ بیر مملکت تامانیدن تن آلینمه‌ی و خلق‌ارا تشکیلات‌لر جمله دن بیرلشگن ملتلر تشکیلاتی نینگ ییغیلیش‌لری گه چقیریلمه‌گن بیر حالده، سراج‌الدین حقانی سرپرست حکومت خلق‌ارا مهم نهادلر گه اعضا بولیشینی سوره‌گن.
