مملکت باش قاره‌لاوچیلیگی نینگ ایتیشیچه، رشوت آلیش گه عیب‌لنگن اوچ سناتور علنی بیر محکمه ده حبس گه محکوم بولگن.
باش قاره‌لاوچیلیک تامانیدن ترقه تیلگن خبرنامه‌ده کیلیشیچه، مذکور محکمه‌ده لیاقت‌الله بابکرخیل، محمدانور باشلیق و عظیم قویاش ناملی اوچ سناتور ۱۰ ییل و بیر آی تنفیذی حبس و ۴۰ مینگ دالر نقد جریمه توله‌ش گه محکوم بولگن.
باش قاره‌لاوچیلیک نینگ خبرنامه‌سی اساسیده، لیاقت‌الله بابکرخیل، محمدانور باشلیق و عظیم قویاش کمیده ۴ آی آلدین حیرتان بندری ده ۶۰ مینگ دالر رشوت آلیش عیبلاوی بیلن قولگه آلینگن ایدی.
مذکور سناتورلر سنا کینگشی تامانیدن بلخ ولایتیده حیرتان بندری شامل باشقه قطار عایداتی اداره‌لرنی تیکشیریش اوچون هیأت یوباریلگن ایدی. بیراق مذکور سناتورلر بو بندر ده ۶۰ مینگ دالر رشوت ایسته‌ش و ۴۰ مینگ دالر نقد پول بیلن قولگه آلیندی.
