بلخ محلی مسؤل‌لری نینگ ایتیش‌لریچه، بویوکلر کینگشی دن ۳ کیشی‌لیک بیر هیأت درآمد کیلتیره‌دیگن اداره‌لرنی تیکشیریش اوچون اوشبو ولایت‌گه کیلگن، بیراق حیرتان بندریدن رشوه آلیش پیتده اوشلنگن‌لر.
بوگون “دوشنبه” بلخ حاکمی محمد فرهاد عظیمی نینگ خبری بیر ییغین اوتکزیب ایتیشیچه، مذکور سناتور لر کوپراق تیکشیریلیشی اوچون کابلگه انتقال بیریلگن.
شونینگدیک، ملی خوفسیزلیک ریاستی و باش‌قاره‌لاوچیلیک اداره‌سی قوشمه بیر اعلامیه ترقه‌تیب، اوتگن “یکشنبه” کونی بویوکلر گینگشی نینگ ۳ عضوی ۴۰ مینگ دالر رشوه آلگنی سبب، قولگه آلینگنیدن خبر بیرگن.
اوشبو اعلامیه‌ده، مذکور ۳ سناتور کشفی اطلاعات گه کوره ملی خوفسیزلیک ریاستی نینگ پرسونلی و باش‌قاره‌لاوچیلیک اداره‌سی نینگ نمایندهسی تامانیدن قولگه آلینگن.
خبرنامه‌ده ایتیلیشیچه: «دولت اداره‌لری نینگ ایشلرینی تیکشیریش اوچون بلخ ولایتی‌گه سفر قیلگن سنا مجلسی نینگ ۳ عضوی رشوه آله‌دیگن پیتده، ملی خوفسیزلیک ریاستی نینگ ایشلاوچی‌لری و باش‌قاره‌لاوچیلیک اداره‌سی نینگ نمایندهسی تامانیدن قولگه آلینگن.»
اوشبو اعلامیه گه کوره، افغانستان ملی اسلامی جمهوریتی اساسی قانونی نینگ ۱۰۲- ماده‌سیگه قضیه حقیده سنا مجلسی‌گه مکتوبی شکلده معلومات بیریلگن.
مذکور سناتورلرنینگ هویتی بیللی بولمه‌گن.
بویوکلر کینگشی بوتوغریده فکر بیلدیرمه‌گن.
