پاکستان میدیالری، اوشبو مملکت سابق باش وزیری عمران خان نینگ قولگه آلینگنی‌دن خبر بیرگنلر.
پاکستان «دان» کونده‌لیگی نینگ گزارش بیریشیچه، بوگون (شنبه، ۵-اگست)، توش‌دن کیین، جناب خان لاهور شهری‌ده یشش جایی‌دن قولگه آلینگن.
بیزلرنینگ فیسبوک صحیفه‌میزگه باش اورینگ!
دان کونده‌لیگی نینگ گزارشی اساسیده، پاکستان سابق باش وزیری و اوشبو مملکت نینگ تحریک انصاف حزب ییتکچیسی عمران خان، پاکستان پایتختی اسلام‌آباد ده محکمه آرقه‌لی اوچ ییل حبس گه محکوم بولیب و اوشبو حکم نینگ صادر بولگنی‌دن کیین، پنجاب پولیسی آرقه‌لی قولگه آلینگن.
اسلام‌آباد ده بیر محکمه، بوگون «توشه‌خانه» اسملی مالی فساد دوسیه‌سیده، عمران خان نی، اوچ ییل حبس، بیش ییل سیاست‌دن اوزاق بولیش و ۱۰۰ مینگ پاکستانی روپیه توللشی گه محکوم قیلگن دیر.
پنجاب ده تحریک انصاف حزبی دفتری، توییتر صحیفه‌سیده عمران خان نینگ قولگه آلینگنی نی تصدیق قیلگن.
جناب خان و وکیل‌لری، بوگون پاکستان وقتی بیلن ایرتنگ ساعت ۰۸:۳۰ دقیقه باشلنگن محکمه‌ده، غایب ایدیلر.
بیزلرنینگ توییترده هم تعقیب قیلینگ!
گزارشلر اساسیده، پاکستان سابق باش وزیری، قریب اوچ آی آلدین هم اسلام‌آباد ده محکمه جلسه‌سیده، فساد گه عیب‌لنیب قولگه آلینگن ایدی.
محکمه جلسه‌سیدن عمران خان نینگ قولگه آلینیشی، کینگ اعتراض‌لر بیلن روپه‌ره بولیب و نهایت، اوشبو مملکت عالی محکمه حکمی بیلن قوییب یوباریلدی.
