ناتینچلیک، ایش‌سیزلیک، اقتصادی قیین‌چیلیک و تیریک‌چیلیک قیلیش اوچون فضا محدود بولگنی سبب، کوپ قطار یاش‌لر نامنظم مهاجرلیک آرقه‌لی اروپا تامان باریش اوچون یولگه چیقه‌دیلر.
اولردن بیری ۲۵ یاشیده بولگن عبدالخالق دیر. اونینگ ایتیشیچه: «دنیا نینگ هیچ‌بیری جای آدم نینگ اوز اولکه‌سی کبی بولمه‌یدی»
عبدالخالق یونان کمپ‌لریدن بیریده تیریک‌چیلیک قیله‌دی. اونینگ یمان سرگذشتی‌گه اشاره قیلیب ایتیشیچه، افغانستان نینگ یمان وضعیتی، دواملی اوروش و ناتینچلیک‌لر سبب، مهاجرلیککه قول اورگن. عبدالخالق نینگ کوپه‌یتیریشیچه، پول قرض قیلیب نامنظم مهاجرلیک آرقه‌لی اروپا مملکت‌لریدن بیریگه باریش مقصد ده یولگه چیقگن.
اوروش و کم‌بغللیک مهاجرلیک اوچون کته دلیل عنوان ایتیله‌دی. اوشبو پدیده نیچه ییلدن بویان افغانستان یشاوچی‌لریدن میلیون‌لرچه‌سینی باشقه مملکت‌لرگه مهاجر بولیشی‌گه سبب بولگن.
عبدالخالق نینگ ایتیشیچه: «ایکی ییلدن بیری مهاجرمن. حاضرده هم بدبخت من، نامعلوم سرنوشت بیلن کمپ گه تیریکچلیک قیله‌من، یونان دولتی نینگ نظارتی‌گه‌میز مقصد گه باره آله‌میز می یا-ده یوق بیللی ایمس. بوتون حیات‌نی بای بیردیم و قیتیش اوچون هیچ‌بیر نرسم یوق، دیپورت بولگن صورتده هم وطن گه هیچ نرسم یوق بار نرسه‌م نی مهاجرلیککه هزینه قیلدیم.»
سلام‌وطندار اوزبیک بولیمی‌نی فیسبوک‌ده تعقیب قیلینگ!
عین‌حالده، مهاجرلیک و باش پناهایزلاوچیلر وزیرلیگی نینگ مطبوعاتی بولیمی مصلحتچی‌سی سیدعبدالباسط انصاری نینگ ایتیشیچه، مهاجرلردن حمایت قیلیش اوچون تورلی نهادلر جمله‌دن خلق ارا یاردم بیرووچی اداره‌لر فعالیت قیله‌دی و نیاز بولگن صورت ده مهاجرلر و جای‌سیز بولگن‌لرگه یاردم بیریشی ممکن.
سیدعبدالباسط انصاری نینگ کوپه‌یتیریشیچه: «بیزنینگ مهاجرلر‌یمیز بولگن مملکت‌لرده اوشبو نهادلر فعالیت قیله‌دی و بو وزارت نینگ تینچلیک دن سونگ برنامه‌لری تورلی بولیم‌لرده فعالیت قیلماقده. شغل ایجاد قیلیش و عاجل یاردم بیریش مذکور ایش‌لر جمله‌سیدن دیر.»
عبدالخالق نینگ تجربه قیلگن خطرلری آز دیر. بو یولده چیقگن کیشی‌لردن بیرقطاری جدی خطرلرنی تحمل قیلگن و اولردن بیرقطاری جان‌لرینی قولدن بیرگنلر.
- کرونا ویروسی سبب، پاکستاندهگی افغانستانلیک مهاجرلر برابریده بولگن قیین‌چیلیکلر کوپه‌یگن
- افغانستان تینچلیگی حقیده ترکیه‌ده یشه‌یدیگن افغانستانلیک مهاجرلرنینگ توشونچه‌سی
- مهاجرلیک؛ مقصد یا-ده اولیم گه آلیب باره‌دیگن یول
نامنظم مهاجرلیک نینگ خطرلری و قیین‌چیلیکلری خصوصیده معلومات بیریلمه‌گنی سبب، ناقانونی مهاجرلیک آرقه‌لی چیت‌ایللیک مملکت‌لرگه باریش اوچون یولگه چیقگن‌لرنینگ سانی کوپه‌یگن.
عبدالخالق نینگ ایتیشیچه: «یاردم بیرووچی هیچ‌بیر نهاد خصوصیده معلوماتم یوق و مسوول نهادلردن هم نقدی یاردم ایستمه‌یمن. فقط شغل ایجاد قیلیشینی ایسته‌یمن. حاضرده دنیا کرونا ویروسی خطری بیلن دوچ کیلگن، لیکن ساغلیک تدبیرلر نظرگه آلینمه‌یدی و خواطرلنترووچی دیر و باشقه تاماندن تینچلیک سوزلشوولر بیللی بولمه‌گنی مهاجرنینگ قیین‌چیلیکلرینی نیچه برابر قیلگن.»
عین‌حالده، مهاجرلرگه مصلحت بیریش یا-ده MRC مرکزی مسوولی سیدشیرحسین هنریار نینگ مهاجرلرگه مصلحت بیریشی خصوصیده ایتیشیچه، باشقه مملکت‌لرگه سفر قیلیش اوچون
قصد قیلگن کیشی‌لر «۵۵ ۸۸» شماره‌لر آرقه‌لی اولر بیلن تماس آلیب و اوشبو مرکز رایگان مصلحتی دن فایده‌لنه آلهدی.
افغانستان حکومتی و طالبان گروهی آره‌سیده تینچلیک سوزلشوولر باشلنگنیدن سونگ، چیت‌ایللیک مملکت‌لرده بولگن کوپ‌قطار مهاجرلرنینگ امیدلری کوپه‌یگن. اولر سوزلشوولر نتیجه‌سینی کوتیب تورگن و نتیجه بیرگن صورتده، اوز مملکت‌لریگه قیتیب کیلیشنی ایسته‌یدیلر.
