سونگی آی‌لرده طالبان نینگ هجومی شدت‌لنگنی و امنیتی کوچلرنینگ مقاومت قیلمه‌یشی سبب، کوپ‌قطار تومن‌لر اوشبو گروه قولیگه سقوط قیلگن. حکومت مسوول‌لری نینگ ایتیش‌لریچه، طالبان گروهی تومن‌لرنی تصرف قیلگنیدن سونگ، تومن بنالری و باشقه عامه تاسیسات‌لرنی پارتله‌تیب و حتا ملکی ساحه‌لر و تینچ اهالی اوی‌لرینی تخریب قیلیش‌گه اقدام قیله‌دیلر.
فراه ولایتی نینگ اناردره تومنی ۲۵ جوزا ده طالبان قولیگه سقوط قیلدی و اوشبو گروه جنگریلری تومن بناسی‌نی پارتلتگنلر. لیکن طالبان گروهی نینگ بو ادعالرنی رد قیلیب ایتیشیچه، اولر عامه تاسیسات‌لریدن حفاظت قیله‌دی و امنیتی کوچلر هجوم‌لریگه توسیق بولیش اوچون تومن بنالرینی تخریب قیلگنلر.
طالبان سوزلاوچیسی ذبیح‌الله مجاهد نینگ ایتیشیچه، تینچ اهالی اوی‌لری و عامه تاسیسات‌لرگه هجوم قیلیش اوشبو گروه نینگ ایشی ایمس.
عین‌حالده، ملی مدافعه وزیرلیگی سوزلاوچیسی نینگ اورین باسری فواد امان نینگ ایتیشیچه، افغانستان نی ویران قیلیش طالبان نینگ اصلی هدف‌لریدن دیر و یوزلرچه عامه تاسیسات‌لرینی بو گروه تامانیدن تخریب ایتیلگنی خصوصیده حجت‌لر بار.
گزارش‌لرگه کوره، سونگی ایکی آی جریانیده، کمیده ۱۰۰ تومن امنیتی کوچلرنی مقاومت قیلمه‌گنی سبب، طالبان قولیگه سقوط قیلگن و نتیجه‌ده بیرقطار تومن‌لرده تینج اهالی اوی‌لری و بازارلر اوت آلگن.
