پکتیا یشاوچیلریدن قطاری نینگ ایتیش‌لریچه، اوشبو ولایت مرکزی گردیز شهریده قدرت‌لی کیشیلر و محل یشاوچیلر، «بالاحصار» تاریخی بنا و تیپه نینگ اطرافیده‌گی ییرلر نی غصب قیلیب و او ییرلرده اوی توزه‌تگنلر.
اولر نینگ کوپه‌یتیریش‌لریچه، اهالی ناقانونی شکلده «بالاحصار» بناسی و تیپه اطرافیده‌گی منطقه‌لرده اویی توزه‌تگنلر که، بو ایش تاریخی بیر ییرلر صفتیده بولگن بنا ارزشی گه زیان ییتیشتیرگن دیر. اولر اسلامی امارت‌دن مذکور تاریخی ییر گه توجه قیلیب و اونینگ تاریخی بیر ییر صفتیده حفاظت قیلینیشی‌نی سوره‌گنلر.
بیزلرنینگ فیسبوک صحیفه‌میزگه باش اورینگ!
پکتیا یشاوچیلریدن شیرپاو نینگ سلام‌وطندار گه ایتیشیچه: «بیرینچی‌ده اینگ کوپ زیان نی اوی‌لر ییتیشتیره‌دی، اوی صاحب‌لری بو منطقهلر نی قازگنلر و بو ییرلر قازیلگنی حالده، اونینگ ارزشی اورته‌دن کیته‌دی. اوی‌لر بو ییردن باشقه ییرلر گه انتقال قیلیشی کیره‌ک، چونکه بو ییر پکتیا نینگ اینگ قدیمی منطقه‌سی دیر. گردیز بالاحصاری منطقه‌ده تاریخی و فرهنگی اهمیت گه ایگه دیر.»
شونینگدیک پکتیا یشاوچیلریدن باشقه بیری آصف‌خیل نینگ ایتیشیچه: «قیغو بیلن بالحصار نینگ بیر قطار بولیم‌لری زورمند‌لر و اهالی تامانیدن غصب بولگن دیر. بو موضوع خواطرلنتیرووچی دیر؛ چونکه گردیز بالاحصاری افغانستان نینگ اینگ قدیمی و تاریخی ییری دیر. مسئوللر تامانیدن قیته غصب قیلووچیلر قولیدن آلینشی خصوصیده امید‌وارمین.»
شونینگدیک پکتیا معلومات و مدنیت ریاست مسئوللری «بالاحصار» اطرافیده‌گی منطقهلر نینگ اهالی تامانیدن غصب بولگنی نی قبول قیله‌دیلر، بیراق ایتیش‌لریچه، اوشبو بنا‌دن حفظ قیلینیشی مقصدیده توزه‌تیلگن اوی‌لر نینگ تخریب بولیشی ممکن.
پکتیا معلومات و مدنیت ریاست رئیسی خالق‌یار احمدزی نینگ ایتیشیچه، ولایت مقامی بیلن هماهنگ بولیب، «بالاحصار» بناسی نینگ قیته توزه‌تیشی اوچون سعی و حرکت‌لر باشلنگن و بودیجه تاپیلگنیدن کیین، شونینگدیک اونینگ عملی ایشی باشلنیشی ممکن.
بیزلرنینگ توییترده هم تعقیب قیلینگ!
نیچه مدت آلدین محل یشاوچیلر تامانیدن سونگی یاغیش‌لر نتیجه‌سیده اوشبو تاریخی بنا بولیم‌لریدن قطاری نینگ تخریب بولگنی خصوصیده خواطرلر بیان بولگنی بیرحالده، «بالاحصار» اطرافیده‌گی ییرلر نینگ غصب بولیشی خصوصیده خواطرلر مطرح بولگن دیر.
