ایش و اجتماعی ایشلر وزیرلیگی، قربان هییت بیرهمی مناسبتی بیلن مملکت بویلب تورت کونلیک ایش تعطیلی اعلان قیلدی.
اوشبو وزیرلیک، بوگون (۳۱ ثور/۲۱ می، پنجشنبه) بیر بیانیه ترقهتیب کیلهسی هفته سهشنبه کوندن باشلب کیینگی هفته شنبه کونگچه (۵-۹ جوزا، قربان هییت بیرهمی کونلریگه تینگ) مملکت بویلب عمومی تعطیل اعلان قیلگن.
ایش و اجتماعی ایشلر وزیرلیگی، دولت و نادولت ادارهلرده رسمیات ۱۰ جوزا، یکشنبهدن باشلنیشینی بیلدیرگن.
ایسلهتیب اوتهمیز، بوندن اول سعودی عربستان، افغانستان، تورکیه، قرغیزستان، پاکستان، اندونیزیا، مالزیا، تونس و باشقه بیرقطار مسلمان دولتلر کیلهسی هفته چهارشنبهنی قربان هییت بیرهمی بیرینچی کونی دیب اعلان قیلگن بیرحالده، ایش و اجتماعی ایشلر وزیرلیگی تورت کونلیک ایش رختصی اعلان قیلگن.
مسلمانلرنینگ اینگ مهم بیرهملریدن بیرینینگ سنهسی آی تقویمیگه قرهب بیلگیلنهدی و هر ییلی اوزگریب تورهدی. قربان هییتی حج زیارتی یکونلنگنینی انگلتهدی و عنعنوی مراسملر، جملهدن قربانلیک قیلیش همده خیریه ایشلری بیلن بیرگه اوتکزیلهدی.
