هرات ولایتی‌ده ایچکی تولید‌لر نینگ تانیتیش مقصد، بوگون (پنجشنبه، ۱۱-جوزا)، کاپیسا شرکتی آرقه‌لی «عالی‌ست، افغانی‌ست» اسمی آستیده قول صناعتی و ایکینچی‌لیک محصول‌لری کورگزمه‌سی یولگه قوییلگن.
مذکور کورگزمه‌ده قدیمی کییم‌لر، تقینچاق‌لر، عیاللر قول صناعتی، نقاش‌لیک تابلو‌لر، تزیینی ایدیش‌لر و تازه میوه‌لر، عیاللر و ایرکک‌لر آرقه‌لی ۱۳۲ غرفه‌ده نمایش گه قوییلیب و ایکی کونگچه دوام تاپیشی ممکن.
بیزلرنینگ فیسبوک صحیفه‌میزگه باش اورینگ!
مذکور کورگزمه نینگ یولگه قوییگن مسئوللر نینگ ایتیش‌لریچه، اوشبو کورگزمه‌ده هرات ولایتی نینگ قول صناعتی و ایکینچی‌لیک محصول‌لری گه علاوه، کابل، بادغیس، نیمروز، فراه، قندهار، زابل، بلخ، غزنی و بدخشان ولایت‌لری نینگ تولید‌لری و محصول‌لری نمایش گه قوییلگن.
اوشبو کورگزمه مسئولی فرید نادری نینگ ایتیشیچه: «بو کورگزمه نینگ یولگه قوییلگنی‌دن مقصد، ایچکی تولید‌لردن قوللنیش فرهنگی نی رواجلنیش و افغانستان نینگ ولایت‌لریده تولید بوله‌دیگن نرسه‌لرنی اهالی گه تانیتیش دیر.»
ایچکی تولید‌لر نینگ رواجلنیشی اوچون بو کبی کورگزمه‌لر نینگ فایده‌لی بیله‌دیگن سوداگر عیاللر نینگ ایتیش‌لریچه، حاضرگچه تولید‌لر نینگ مملکت تشقی‌سیده رواجلنیشی اوچون ملی و محلی مسئوللر تامانیدن هیچ قنده‌ی بازار تاپیش صورت تاپمه‌گن.
مذکور کورگزمه گه شرکت قیلگن‌لردن مسلمه حاجی‌زاده نینگ ایتیشیچه: «کورگزمه یولگه قوییلیشی، باشقه‌لر نینگ تجربه‌لریدن قوللنیش و شونینگدیک باشقه سوداگر عیاللر بیلن رابطه قوریش گه سبب بوله‌دی. بو کبی کورگزمه‌لر نینگ کوپراق یولگه قوییلیشی نی ایسته‌یمیز که، بو یول آرقه‌لی عیاللر هم کوپراق تشویق بولسین.»
بیزلرنینگ توییترده هم تعقیب قیلینگ!
شونده‌ی بیرحالده، سوداگرلیک و صناعت وزیرلیگی مسئوللری نینگ ایتیش‌لریچه، اسلام امیرلیگی ایچکی صناعت نینگ رواجلنیشی بولیمی‌ده برچه امکانیت‌دن قوللنه‌دی.
اوشبو وزیرلیک نینگ سوداگرلیک و صناعت اورین‌باسری محمد‌زبیر زین‌پروری نینگ ایتیشیچه، ایچکی محصول‌لر نینگ رواجلنیشی اوچون، افغانستان‌دن تشقی‌ده کورگزمه‌لر نینگ یولگه قوییلیشی خصوصیده قرار آلینگن دیر.
جناب زین‌پروری نینگ کوپه‌یتیریشچه: «صناعت رواجلنیشی اوچون، افغانستان گه وارد بوله‌دیگن ایچکی تولید‌لر تعرفه‌سی نی کوپه‌یتیرگن‌میز که، بو رقم اوز مملکتی‌میزده تولید بوله‌دیگن نرسه‌لردن قوللــــه‌نیلسین. اسلام امیرلیگی هم ایچکی تولید‌لردن قوللــه‌نیلیشی نی ایسته‌گن.»
ایتیش کیره‌ک که، هرات ولایتی‌ده‌گی سوداگر عیال‌لردن قطاری سونگی نیچه آی جریانیده ایش‌لری نینگ رواجلنگنی نی بیان قیلگن‌لری بیرحالده، اوشبو کورگزمه یولگه قوییلگن.
