غور مرکزی فیروزکوه شهریده سلطان شهابالدین لیسه نینگ درسی صنف‌لریدن بیریده کیردیم. صنف ده بولگن اوقووچیلرنینگ ایتیش‌لریچه، سابق‌لرده اوقووچیلرنینگ حضوری کوپ ایدی، بیراق سونگی واقعه‌لر و مکتب‌لر نینگ قیته آچیلگنیدن کیین، اوقووچیلرنینگ حضوری کمه‌یگن.
بیزلرنینگ فیسبوک صحیفه‌میزگه باش اورینگ!
سلطان شهابالدین غوری لیسهسی اوقووچیلریدن بیری جاوید و سلطان علاوالدین غوری لیسهسی اوقووچیلریدن بیری حسین دانش نینگ ایتیش‌لریچه، سابق لرده هر بیر صنف ده ۲۰ اوقووچی بار ایدی، لیکن حاضرده اوشبو رقم کمه‌یگن.
سلطان شهابالدین غوری لیسهسی نینگ آمری محمد احمدی نینگ ایتیشیچه، یوز بیرگن سونگی واقعه و عایله لرنینگ شهردن باشقه منطقه‌لرده آواره بولگنی سبب، اوقووچیلرنینگ حضوری کمه‌یگن.
سلطان علاوالدین غوری لیسهسی نینگ مدیری نورالله نوری، اسلامی امارت مسئوللری، عایله‌لر و مسجد‌‌لرنینگ امام‌لریدن تعلیم و تربیه نینگ اهمیتی خصوصیده صحبت قیلیب و یاش‌لرنینگ مکتب‌لرگه حضور تاپیش‌لری اوچون تشویق قیلیش‌لرینی سوره‌گن.
عین‌حالده، غور حاکمی اورین باسری شمس‌الله طریقت نینگ ایتیشیچه، تیگیشلی بولگن اداره‌لر هماهنگ‌لیگی بیلن اوقووچیلرنینگ حضوری کوپه‌یشی و معارف وضعیتی یخشی‌لنیشی اوچون سعی و حرکت قیله‌دیلر.
بیزلرنینگ فیسبوک صحیفه‌میزگه باش اورینگ!
مکتب‌لرنینگ ایشیگی ۲۷ سنبله ده اوقووچی لر یوزیگه آچیلدی، لیکن بو اره ده قیز اوقووچی لرگه مکتب باریش اوچون رخصت بیریلمه‌گن.
