غور یشاوچیلریدن بیرقطاری نینگ ایتیشلریچه، قیش موسومی ده اوشبو ولایت مرکزی نینگ قتناو یولی یاپیلیشی باعث، مذکور ولایت ده هوایی ترانسپورت شرکت‌لر اوز فعالیت‌لرینی باشلش‌لری کیره‌ک.
اولر نینگ کوپه‌یتیریشیچه، غور گه باغلیق قتناو یوللر یاپیلیشی باعث، عاجل کسل‌لرینی کابل و هرات گه انتقال بیریش اوچون هردایم قیینچیلیککه دوچ بوله‌دیلر.
غور یشاوچیسی غلام‌سخی گه کوره: «یوللر اوزاق دیر، عاجل بیر کسل‌نی [کسلخانه گه] ییتکیزه آلمه‌یمیز، قیش موسومی ده قار یاغیشی باعث یوللر توسیله‌دی. اسلام امیرلیگی دن هوایی شرکت‌لر بیلن فعالیت‌لرینی باشلش خصوصیده صحبت قیلیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
غور یشاوچیلریدن باشقه بیری نورمحمد نینگ ایتیشیچه: «هوایی خصوصی شرکت‌لردن غور ده فعالیت‌لرینی باشلش‌لرینی ایسته‌یمیز؛ چونکه قیش دیر و قتناو یوللر یاپیلگن. پروازلر بولسه، کسل‌لریمیزنی قولی‌لیک بیلن انتقال بیره آله‌میز.»
شو بیلن بیرگه غور محلی مسئوللری گه کوره، مذکور ولایت یشاوچیلری نینگ اقتصادی قیینچیلیگی و یولاوچیلر نینگ سانی آزلیگی سبب، غور ده هیچ بیر هوایی شرکت فعالیت قیلیش گه تیار ایمس دیر.
غور حاکمی سوزلاوچیسی عبدالواحد حماس نینگ سلام‌وطندار گه ایتیشیچه: «غور اهالیسی نینگ اقتصادی قیینچیلیگی بار. اوچیش زمینه‌سی یره‌تیلیب و جمهوریت وقتی گه نسبتن کرایه قیمتی کم آلینسه، اهالی هوایی سفر قیلیش‌لری ممکن.»
بیزلرنینگ توییترده هم تعقیب قیلینگ!
ایکی ییل آلدین کام‌ایر هوایی ترانسپورت شرکتی، هفته ایچیده کابل_غور و غور_کابل ایکی پرواز قیلر ایدی؛ لیکن اسلام امیرلیگی حاکمیتنی آلیشی و اولکه بویلب قشاق‌لر سانی کوپه‌یشیدن کیین، مذکور شرکت غور ده اوز فعالیتینی توخته‌تگن.
