دوحه کیلیشوونامه‌سی اساسیده، آمریکالیک حربی‌لرنینگ افغانستان نی ترک قیلیشی گه کمیده بیر آی قالگن بیرحالده، طالبان گه یقیین منبعلرنینگ ایتیش‌لریچه، آمریکا طالبان گروهیدن مذکور مملکت حربی‌لری نینگ افغانستان ده قالیشی نی ۳ الی ۶ آی تمدید قیلیشی نی سوره‌گن. بیراق قطر ده طالبان سیاسی دفتری سوزلاوچیسی محمدنعیم سلام‌وطندار بیلن صحبت اوتکزیب بو گزارش نی رد قیلیش گه علاوه ایتیشیچه، آمریکا بونده‌ی بیر نرسه ایستمه‌گن.
شونینگدیک طالبان گه یقیین منبع‌لردن بیری سیداکبرآغا، قطرده طالبان سیاسی دفتری سوزلاوچیسی نینگ بیرگن بیاناتی نی تصدیق‌لب ایتیشیچه، طالبان هیچ قچان بونده‌ی بیر ایسته‌ک نی قبول قیلمه‌یدی. اونگه کوره، آمریکا دوحه کیلیشوونامه‌سی اساسیده حربی‌لرینی افغانستان دن چیقارسه یخشی بیر ایش قیلگن بوله‌دی.
گرچند اوتگن ییل افغانستان تینچلیگی توغریسیده قطر پایتختی دوحه‌ده آمریکا و طالبان گروهی آره‌سیده امضالنگن کیلیشوونامه اساسیده، آمریکالیک حربیلر میلادی ۲۰۲۱- ییل بیرینچی می آیی گه قدر افغانستان دن چیقیش‌لری کیره‌ک؛ بیراق آمریکا ینگی حکومتی هر دایم بیرینچی می آمریکالیک حربیلر چیقیشی اوچون یخشی بیر تاریخ بولمه‌گنی اوستیگه اورغوله‌گن.