ییتکرمهلرنینگ معلوماتیگه کوره، مکسیکونینگ آکاپولکو شهریدهگی موترلر «پارکینگی»ده یوز بیرگن ییریک یانغین عاقبتیده، تخمیناً ۷۰۰ ته موتر بوتونلی یانیب کیتگن.
معلوماتلر اساسیده، بو واقعه ۱۲ حمل/۱ اپریل، چهارشنبه کونی یوز بیرگن.
ترقهلگن ویدیولرده اونلب موتردن فقط کویب قالگن کرکسلر (اسکلیت) قالگنی کورینهدی. یانغین عاقبتیده آسمانده جوده کتته توتون (دود) اویومی کوتریلگن.
معلوماتلرگه کوره، آکاپولکو شهرینینگ ایریم قسملرینی دود قمرهب آلگنی و هیداوچیلر اوچون کوریش امکانیتی کیسکین یامانلشگنی سببلی سرکلر بیر نیچه ساعت گچه توسیلگن.
ییتکرمهلر مکسیکو رسمیلریگه اساسلنیب ایتیشیچه، حادثه جاییگه بیر نیچته قوتقرو و یانغین اوچیریش گروهلری یوباریلگن. حاضرگچه جبرلنگنلر حقیده معلومات یوق.
یانغین قندهی یوز بیریش سببلری ایسه حاضرگچه نامعلوم.
