اوتگن ۲۴ ساعت‌ده مملکت ۸ ولایتیده طالبان جنگریلریدن ۴۹ ته‌سی هلاک ایتیلگن
هلمند، ننگرهار، قندهار، بغلان، میدان‌وردک، هرات، فاریاب و لغمان امنیتی مسوول‌لری نینگ ایتیش‌لریچه، مذکور ولایت‌لرده طالبان تامانیدن اویوشتیریلگن هجوم‌لر کیین‌گه اوریلگن.
هلمند، ننگرهار، قندهار، بغلان، میدان‌وردک، هرات، فاریاب و لغمان امنیتی مسوول‌لری نینگ ایتیش‌لریچه، مذکور ولایت‌لرده طالبان تامانیدن اویوشتیریلگن هجوم‌لر کیین‌گه اوریلگن.
۲۱۵ میوند قول اردو قومندانلیگی نینگ بیر خبرنامه آرقه‌لی اعلان قیلیشیچه، اوشبو عملیات اوتگن کیچه هلمند مرکزی لشکرگاه شهری نینگ غربی‌ده و ناوه و نهرسراج تومن‌لریده باشلنگن. خبرنامه گه کوره، مذکور عملیاتده مارجه تومنیده طالبان نینگ حربی مسوولی شامل ۲۱ طالبان هلاک ایتیلگن.
هرات ولایتی نینگ ادرسکن تومنیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن “شنبه” کونی توشدن سونگ، ۲۵ یاشیده بولگن بیرعیال اوشبو تومنده ملی اردو کندکی نینگ ۵۰۰ مترلیگی‌ده طالبان نینگ صحرایی محکمه‌سیده اوققه توتیلگن.
افغانستان جمهور رئیسی محمداشرف غنی نینگ ایتیشیچه، طالبان ۷ مینگ محبوسی نینگ قوییب یوباریلیشی تینچلیک سبب بولگن صورتده، بو ایش‌گه موافقت قیله‌دی.
جناب غنی، اوشبو صحبت‌لرنی اوتگن “جمعه” کونی اشپیگل مجله‌سی بیلن اوتکزگن صحبتیده بیان قیلگن.
هرات ولایتیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی نینگ ملا رسول رهبرلیگی‌گه بولگن شاخه‌سی اورین باسری ملا عبدالمنان نیازی اوتگن کیچه کابل ده دنیا دن اوتگن. منبع نینگ ایتیشیچه، ملا نیازی درمان‌لنیش اوچون هرات دن کابل‌گه انتقال بیریلگن ایدی.
جمهورلیک ریاست سابق اورین‌باسری مارشال عبدالرشید دوستم، رمضان هییت نمازی نی ادا قیلگنیدن کیین، یوزلرچه جوزجان یشاوچی‌لری و عسکرلری نینگ حضوری گه بیانات بیریب و ایتیشیچه، طالبان اوروش نی دوام بیریش بیلن اوز ایسته‌کلری گه بولگن حکومت نی قوریش نیتده بولگنده، اولر خطا قیلگن بوله‌دی. مارشال دوستم گه کوره، طالبان آتیش کیسین نی دوام بیریش و اوروش نی یکونلنتیریش بیلن مذاکره میزی گه قیتیش‌لری کیره‌ک.
جمهوررئیس غنی طالبان گروهیدن، حاضرگی اورته گه کیلگن فرصتدن تینچلیک اوچون فایده‌لنیب و تینچلیک نی تن آلیش‌لرینی سوره‌گن. جناب غنی بوگون (پنج‌شنبه ۲۳- ثور) هییت نمازی نینگ ادا قیلگندن کیین ایتیشیچه، چیت‌ایللیک کوچلرنینگ چیقیشی بیلن مملکتده تینچلیک تأمین‌لنیشی اوچون کتته فرصت یره‌تیلگن.
افغانستان تینچلیک جریانی بوییچه آمریکا خاص نماینده‌سی زلمی خلیلزاد، هییت کونلریده طالبان و افغانستان حکومتی تامانیدن آتیش‌کیسین اعلان ایتیلیشی‌نی خوش قرشی‌لگن. جناب خلیلزاد نینگ اوتگن کیچه توییتر صحیفهسیده یازیشیچه، زوروانلیکلر وحشت‌لی ایدی و افغانستان اهالی‌سی اونینگ هزینه‌سینی تشله‌گن.
طالبان رهبری هبت‌الله آخندزاده، آمریکا و ناتو تشکیلاتی نینگ حربی‌لرینی افغانستاندن چیقاریشی خصوصیده آلگن قراریدن حمایت بیلدیرگن؛ لیکن دوحه شرطنامه‌سینی نقض قیلینگنی خصوصیده آمریکا نی آگاه‌لنتیرگن. طالبان رهبری رمضان هییتی مناسبتی‌گه بیر پیام نشر قیلیب دوحه شرطنامه‌سی نینگ عملگه آشیریلیشی اوستیگه تاکید قیلگن.
طالبان استانبول ییغینیده اشتراک قیلیش اوچون حاضرگچه یشیل چراغ کورستمه‌گن بیرحالده، آمریکا، ترکیه و باشقه همکارلر مذکور ییغین یولگه قوییلیشی اوچون حرکت‌لرنی تیزلشتیرگن.
طالبان سوزلاوچی‌لریدن بیری ذبیح‌الله مجاهد نینگ ادعا قیلیشیچه، مذکور گروه رهبری نینگ بویروغی اساسیده، بغلان ده بو گروه توتقونیده بولگن امنیتی کوچلردن ۶۵ ته‌سی قوییب یوباریلگن.
افغانستان تینچلیگی بوییچه آمریکا خاص نماینده‌سی زلمی خلیلزاد نینگ ایتیشیچه، طالبان تینچلیک و اجماع و کیلیشوو اساسیده بولگن کیله‌جک نی تنلمه‌گن صورتده، آمریکا جمهوریت سقله‌نیشی اوچون افغانستان یشاوچی‌لری نینگ یانیده توره‌دی. شونینگدیک خلیلزاد جمهوریت سیاسی بیرلیگی نینگ کیره‌ک‌لیگی اوستیگه اورغوله‌گن.
دهنه غوری تومنی ولسوالی محمدصابر قلیچ نینگ سلام‌وطندارگه ایتیشیچه، طالبان جنگریلری شکست بیلن دوچ کیلگنیدن سونگ، بازار و دکان‌لرینی اوت بیرگن. اونینگ کوپه‌یتیریشیچه، طالبان جنگریلری بیرینچیدن ۴ دکان و بیرقطار کراچی‌لرنی اوت بیریب و اوندن سونگ، قاچیب کیتگن‌لر.
بغلان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن کیچه اوشبو ولایت نینگ بغلان مرکزی تومنیده امنیتی کوچلردن کمیده ۱۰۰ ته‌سی بوتون حربی تجهیزات‌لری بیلن طالبان گروهی‌گه قوشیلگن.
بغلان مرکزی تومنی نینگ شهرقدیم و پولیس ۵- امنیتی سمتی شامل کوپ‌قطار منطقه‌لر طالبان قولی‌گه سقوط قیلگن.
اوتگن ۵ کونده مملکتده ۵۸ حربی و تینچ‌اهالی هلاک ایتیلگن.
لوگر، هرات، بغلان، بدخشان، پروان، فاریاب، ننگرهار، سمنگان، کاپیسا و پکتیا ولایت امنیتی مسئوللری نینگ ایتیش‌لریچه، چیت‌ایللیک کوچلرنینگ افغانستان دن چیقیش پروسه‌سی باشله‌نیشی بیلن، تینچ‌اهالی و امنیتی کوچلرگه قرشی طالبان هجومی کوپه‌یگن.
ملی مصالحه کینگشی نینگ سیاسی بولیمی اورین باسری اسدالله سعادتی نینگ آگاه‌لنتیریشیچه، تینچلیک سوزلشوولر نتیجه بیرمه‌گن صورتده، نامعلوم قرانغو کیله‌جک افغانستان‌نی کوته‌یشی ممکن. اونینگ ایتیشیچه، هییت‌دن سونگ، طالبان نینگ استانبول ییغینیده اشتراک قیلیشی بیللی ایمس.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش