بدخشان ولایتیدن امنیتی بیر منبع نینگ سلام‌وطندارگه ایتیشیچه، اوتگن کیچه اوشبو ولایت مرکزی فیض‌آباد شهری نینگ ۸- ناحیه‌سیده امنیتی کوچلر و طالبان جنگریلری آره‌سیده یوز بیرگن آتیشمه‌ده ملی اردو افسرلری و مردمی کوچلر شامل ۱۰ کیشی هلاک ایتیلگن. منبع نینگ کوپه‌یتیریشیچه، امنیتی کوچلردن باشقه بیرقطاری طالبان قولیگه اسیر بولگن.
بغلان محلی منبع‌لری نینگ سلام‌وطندارگه ایتیش‌لریچه، اوتگن کیچه اوشبو ولایت نینگ خوست تومنیده طالبان کمین‌نی سبب، پلچرخی قماقخانه‌سی نینگ تعلیم و تربیه ریاستی باشلیغی غلام‌محی‌الدین پیکان حیدری و مردمی کوچلر باشقه ایکی قومندانی هلاک ایتیلگنلر.
سونگی ایکی آی جریانیده مملکت بیرقطار ولایت‌لریده امنیتی کوچلر و طالبان جنگریلری آره‌سیده شدت‌لی آتیشمه‌لر یوز بیرگن. محلی منبع‌لرنینگ ایتیش‌لریچه، طالبان جنگریلری بیرقطار منطقه‌لرنی تصرف قیلگنلر.
تخار ولایتیدن آتی فاش ایتیلیشی نی ایستمه‌گن امنیتی بیر منبع نینگ سلام‌وطندارگه ایتیشیچه، اوتگن کیچه بو ولایت رستاق تومنی نینگ «دیوار تنگ» منطقه‌سیده، طالبان هجومی باعث چیگره کندک قومندانی شامل ۷ حربی هلاک و بو حربی‌لردن باشقه ۱۲ ته‌سی ایسه تن جراحتی کوتارگن.
کمیده ایکی هفته‌دن بویان طالبان گروهی بغلان-قندوز، بغلان-کابل و بغلان-سمنگان قتناو یول‌لریده چیک‌پاینت ایجاد قیلیب یولاوچی‌لرنی تیکشیره‌دی. بغلان مرکزی پلخمری شهری یشاوچی‌لری نینگ بو وضعیتدن خواطر بیلدیریب ایتیشیچه، اوشبو قتناو یول‌لر کوپ زمان‌لر اوروش بولگنی سبب، یاپیق دیر و طالبان گروهی چیک‌پاینت ایجاد قیلیب دولت و حربی ایشلاوچی‌لرنی تیکشیره‌دی.
آمریکا مدافعه وزیرلیگی نینگ اعلام قیلیشیچه، آمریکالیک حربیلرنینگ افغانستان دن بوتونلی چیقیشی یقیین بولگن بیرحالده، زوروانلیکلر کوپه‌یگن و بو مملکت وضعیتی خواطرلی دیر. اوشبو وزیرلیک طالبان گروهیدن زوروانلیکلرنی کمه‌یتیریب و مذاکره میزی گه حاضر بولیش‌لرینی سوره‌گن.
ملی مصالحه عالی کینگش باشلیغی نینگ ایتیشیچه، طالبان حربی یولدن افغانستان ده غالب چیقیش خصوصیده قیلگن سعی و حرکتی، مملکتده اوروش دوام تاپیشی گه سبب بولگن. جناب عبدالله نینگ کوپه‌یتیریشیچه، طالبان نینگ چیت‌ایللیک کوچلر چیققنیدن کیین، مملکت نی نظارت گه آلیش توغریسیدگی محاسبه‌سی ناتوغری دیر.
سونگی آی‌لرده طالبان نینگ هجومی شدت‌لنگنی و امنیتی کوچلرنینگ مقاومت قیلمه‌یشی سبب، کوپ‌قطار تومن‌لر اوشبو گروه قولیگه سقوط قیلگن. حکومت مسوول‌لری نینگ ایتیش‌لریچه، طالبان گروهی تومن‌لرنی تصرف قیلگنیدن سونگ، تومن بنالری و باشقه عامه تاسیسات‌لرنی پارتله‌تیب و حتا ملکی ساحه‌لر و تینچ اهالی اوی‌لرینی تخریب قیلیش‌گه اقدام قیله‌دیلر.
محلی و امنیتی منبع‌لرنینگ کیم‌لیکلری سیرقالیش‌نی ایسته‌ب سلام‌وطندارگه ایتیش‌لریچه، بلخ ولایتی نینگ کلدار تومنی و سمنگان ولایتی نینگ فیروز نخچیر تومنی اوتگن کونی شام چاغیده طالبان قولیگه سقوط قیلگن و اوشبو تومن‌لرده بولگن امنیتی و مردمی کوچلر باشقه قوشنی مکان‌لرگه جایلشگن‌لر.
بادغیس حاکمی نینگ کوپه‌یتیریشیچه، معارف وزیرلیگی نینگ تعلیمی نصابی‌گه کوره، وطن‌سیورلیک مضمون مکتب‌لرنینگ فرعی تعلیمی مضمون‌لری جمله‌سیدن دیر. او، طالبان نینگ بو حرکتیدن تنقید قیلیب و معارف وزیرلیگی‌دن وطن‌سیورلیک مضمون‌نی اصلی مضمون‌لر جمله‌سیدن قرار بیریشی‌نی سوره‌گن.
جوزجان پولیسی نینگ ۵- سمت آمری نجیبه دلاوری، امنیتی وضعیت نی تیکشیریش و حربی پوسته‌لرنی کوریش اوچون بو ولایت نینگ قوش‌تپه تومنی گه بارگن. خانم دلاوری طالبان گه قرشی اوروشیشی توغریسیده ایشانچ بیریب و طالبان گه تسلیم بولیش نی ننگ دیب بیله‌دی.
ملی مدافعه وزیرلیگی بیر خبرنامه ترقه‌تیب ایتیشیچه، اوتگن بیر کیچه و کوندوز ده مملکت حربیلری نینگ هجوم‌لری باعث ۱۳ ولایتده ایکی یوز طالب هلاک و باشقه کمیده ۱۰۰ طالب ایسه یره‌لنگن. تومن‌لردن قطاری طالبان قولیگه سقوط قیلگنیدن کیین، ولایتلردن کوپینچه‌سیده اهالی طالبان گه قرشی بسیج بولگن.
افغانستان ده بیرلشگن ملتلر تشکیلاتی باش‌کاتبی نینگ خاص نماینده‌سی دیبرا لاینز نینگ آگاه‌لنتیریشیچه، چیت‌ایللیک کوچلرنینگ افغانستان دن چیقیش پروسه‌سی باشلنگن بیرحالده، طالبان هجومی کوپه‌یگن. بیرلشگن ملتلر تشکیلاتی اوشبو ناتینچلیک‌لرنینگ منطقه و دنیا ده یمان تأثیری اوستیگه اورغوله‌گن.
جوزجان مرکزی شبرغان شهریده اونلرچه عیال طالبان گروهی‌گه قرشی بسیج بولگنلر. اولرنینگ ایتیش‌لریچه، اوز ولایت‌لریدن دفاع قیلیش اوچون سعی و حرکت قیله‌دیلر.
جوزجان‌لیک عیاللرنینگ ایتیش‌لریچه، وطن، اهالی و مملکت ملی منفعت‌لریدن دفاع قیلیش ایرکک و عیاللرنینگ مسوولیتی دیر.
طالبان نینگ هجوم‌لری کوپه‌یگنی و بیرقطار تومن‌لرنی اوشبو گروه قولیگه سقوط قیلگنی سبب، سابق جهاد قومندانلریدن بیرقطاری طالبان‌گه قرشی مبارزه قیلیش اوچون مردمی کوچلرنی بسیج قیلماقده‌لر. اوتگن ۳ کون جریانیده پروان ولایتیده جهاد سابق قومندان‌لری دوام‌لی شکلده ییغین اوتکزیب مجاهدلر و مردمی کوچلرنی بسیج قیلیش خصوصیده بحث قیلگنلر.
قندوز محلی مسوول‌لری و ولایتی کینگش اعضالری نینگ ایتیش‌لریچه، اوشبو ولایت نینگ امام‌صاحب تومنی طالبان قولیگه سقوط قیلگنیدن سونگ، طالبان جنگریلری شیرخان بندر اوستیگه هجوم قیلیب بوگون “سه‌شنبه” ایرته‌دن چاغیده اوشبو بندرنی تصرف قیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
