قندوز یشاوچیلریدن بیرقطاری، یونیفورم‌سیز خوفسیزلیک کوچلر شهر سرک‌لریده انده_سنده بیکت (ایست‌های بازرسی) ایجاد ییتیش‌لریدن شکایت قیله‌دیلر. اولر نینگ کوپه‌یتیریشیچه، ایکی_اوچ کیشی‌لیک اوشبو کوچلر موترسایکل‌لری بیلن قانون_قاعده‌لرنی نظرگه توتمسدن بیکت ایجاد ییتیب و یشاوچیلرنی تیکشیریشه‌دی.
هرات‌ده شدتلی آتیشمه باشلنگنیدن ۱۱ کون اوتماقده، لیکن طالبان جنگریلری نینگ شهر اطرافی، انجیل و گذره تومن‌لری نینگ بیرقطار بولیم‌لریده حضوری بار. امنیتی و دفاعی کوچلر گذره و انجیل تومن‌لری نینگ قطار بولیم‌لرینی طالبان وجودیدن تازه‌لش‌گه موفق بولگنلر.
بوگون “شنبه” مملکت شرق زونیده تیریک‌چیلیک قیله‌دیگن دین عالم‌لردن بیرقطاری ننگرهار مرکزی جلال‌آباد شهریده بیر ییغین یولگه قوییب امنیتی و دفاعی کوچلرگه قان بیریش بیلن اولردن حمایت بیلدیرگنلر.
جوزجان پولیس قومندانی خواجه غلام‌جیلانی ابوبکر نینگ ایتیشیچه، طالبان جنگریلری اوتگن کیچه شبرغان شهری نینگ جنوبیده امنیتی کوچلر دفاعی خطی‌نی سیندیریش بیلن شهرگه کیرگنلر، لیکن قیته‌دن ملی اسلامی جنبش حزبی رهبری مارشال عبدالرشید دوستم گه تیگیشلی حربیلر و امنیتی کوچلر تامانیدن کیین‌گه اوریلگن.
اوروش شدت‌لنگنی و طالبان جنگریلری قطار شهرلرده هجوم‌لرینی کوپه‌یتیرگن بیرحالده، اهالی تکبیر فریادی بیلن طالبان گه قرشی اَچیق و نفرت‌لرینی کورستگن. بیرینچی مرته ایکی کیچه آلدین هرات یشاوچیلری تکبیر فریادی و طالبان گه قرشی شعار بیلن بو حرکت نی باشله‌دی و اجتماعی ترماق‌لرده ایسه «هرات قیامی» آتی گه بیر هشتگ توزه‌لدی.
امنیتی و مدافعه نهادلرنینگ قوشمه سوزلاوچیسی اجمل‌عمر شینواری، بوگون کابل ده خبری بیر ییغین اوتکزیب، طالبان گروهی گه قرشی امنیتی کوچلرنینگ هجوم‌لری باشلهنیشیدن خبر بیردی.
افغانستان ملی موسیقی انستیتیوتی مملکت امنیتی و دفاعی کوچلریدن منت‌دارلیک بیلدیریش مقصد ده اوشبو کوچلر اوچون ایکی حماسی قوشیق تیارلب بوگون “دوشنبه” بو کوچلرگه تقدیم قیلگن.
بدخشان ولایتیدن امنیتی بیر منبع نینگ سلام‌وطندارگه ایتیشیچه، اوتگن کیچه اوشبو ولایت مرکزی فیض‌آباد شهری نینگ ۸- ناحیه‌سیده امنیتی کوچلر و طالبان جنگریلری آره‌سیده یوز بیرگن آتیشمه‌ده ملی اردو افسرلری و مردمی کوچلر شامل ۱۰ کیشی هلاک ایتیلگن. منبع نینگ کوپه‌یتیریشیچه، امنیتی کوچلردن باشقه بیرقطاری طالبان قولیگه اسیر بولگن.
آمریکا میدیالری نینگ اوشبو مملکت حربی مقام‌لریدن نقل قیلیب ایتیش‌لریچه، آمریکا و ناتو کوچلری کمیده ۲۰ ییل‌دن سونگ، بگرام قرارگاهی‌نی بوشه‌تگن. اوشبو قرارگاه آمریکا نینگ افغانستانده‌گی بویوک مرکزلریدن بیری ایدی و حاضرده افغانستان حربی کوچلریگه تاپشیریلگن.
سونگی ایکی آی جریانیده مملکت بیرقطار ولایت‌لریده امنیتی کوچلر و طالبان جنگریلری آره‌سیده شدتلی آتیشمه‌لر یوز بیرگن. محلی منبع‌لرنینگ ایتیش‌لریچه، طالبان جنگریلری بیرقطار منطقه‌لرنی تصرف قیلگنلر.
نماینده‌لر کینگشی ده جوزجان ملت وکیلی سیدعزیزالله الفتی نینگ ایتیشیچه، اوتگن کون مذکور ولایت نینگ منگجیک تومنیده‌گی حربیلر، طالبان گه تسلیم بولیش بهانه‌سی بیلن مذکور گروه جنگریلرینی هجوم آستیده آلگن. سیدعزیزالله الفتی گه کوره، بو حادثه‌ده ۴۰ طالب هلاک ایتیلگن.
سرپل ولایتی کینگش اعضالری نینگ ایتیش‌لریچه، اوشبو ولایت نینگ صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک ایتیلگن. اولرنینگ ایتیش‌لریچه، اوشبو واقعه اوتگن کونی عصر چاغی‌ده تاکتیکی ترک قیلیش جریانیده یوز بیرگن.
سرپل ولایتی کینگش اورین باسری سیداسدالله دانش نینگ سلام‌وطندارگه ایتیشیچه، دستلبکی آمارلرگه کوره، صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک و باشقه ۲۶ ته‌سی یره‌لنگن.
فراه ولایتی نینگ اناردره تومنیده جایلشگن امنیتی کوچلردن بیرقطاری نینگ سلام‌وطندارگه ایتیش‌لریچه، اوتگن کیچه‌دن بویان اوشبو تومنده شدتلی آتیشمه‌نی دوامی بار و کمکی کوچ یوباریلمه‌گنی سبب، بیر پوسته طالبان قولیگه سقوط قیلگن.
سرپل ولایتی کینگش اعضالری نینگ ایتیش‌لریچه، اوشبو ولایت نینگ سوزمه قلعه تومنیده امنیتی کوچلردن ۱۴۰ ته‌سی و سرپل-جوزجان قتناو یولی نینگ سیدآباد منطقه‌سیده ۶۰ ته‌سی طالبان قمراویگه قرار تاپگن.
سرپل ولایتی کینگش اعضالریگه کوره، سرپل-جوزجان قتناو یولیده جایلشگن ۱۸ پوسته آتیشمه یوز بیرمسدن طالبان قولیگه سقوط قیلگن
جناب بایدن نینگ اوشبو نامه‌ده کوپه‌یتیریشیچه، چیت‌ایللیک کوچلرنی افغانستان‌دن چیقگنیدن سونگ، دهشت تشلاوچی‌لیک تهدیدلردن کوز یوم‌مه‌یدی و تهدیدلرگه توسیق بولیش اوچون منطقه‌ده قیته‌دن کوچلرینی تنظیم قیلیشی ممکن.
حربی ایش بیلرمان‌لر، افغانستان امنیتی و دفاعی کوچلریدن آمریکا حمایتی نینگ دوام قیلیشی‌نی اونملی عنوان قیلیب ایتیش‌لریچه، اوشبو حمایت نینگ تاثیری یخشی مدیریت‌گه تیگیشلی دیر.
فاریاب ولایتی کینگش عضوی نادر سعیدی نینگ سلام‌وطندارگه ایتیشیچه، قیصار پولیس قومندانلیگی و بلدیه بناسی طالبان نظارتی‌گه اوتگن و آتیشمه نتیجه‌سیده اوشبو تومن پولیس قومندانی سیف‌الرحمان دهزاد شامل ۱۴ حربی هلاک و باشقه ۳۷ حربی طالبان قولیگه اسیر بولگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
