قندوز یشاوچیلریدن بیرقطاری، یونیفورم‌سیز خوفسیزلیک کوچلر شهر سرک‌لریده انده_سنده بیکت (ایست‌های بازرسی) ایجاد ییتیش‌لریدن شکایت قیله‌دیلر. اولر نینگ کوپه‌یتیریشیچه، ایکی_اوچ کیشی‌لیک اوشبو کوچلر موترسایکل‌لری بیلن قانون_قاعده‌لرنی نظرگه توتمسدن بیکت ایجاد ییتیب و یشاوچیلرنی تیکشیریشه‌دی.
قندوز یشاوچیسی کریم نینگ ایتیشیچه: «کیچه ساعت ییتتی و سکیز ده ایش دن قیتگن چاغده کیلیب یوللرنی توسیشه‌دی. نیمه ایش قیلیش‌لرینی بیلمه‌یمیز اصلا انیق یونیفورم‌لری یوق. بولر اسلام امیرلیگی کوچلری یا مخالف گروه دن بولیش‌لرینی بیلمه‌یمیز.»
بیزلرنینگ فیسبوک صحیفه‌میزگه باش اورینگ!
قندوز یشاوچیلریدن باشقه بیری مجتبا نینگ سلام‌وطندار گه ایتیشیچه، بعضی وقت‌لر بیکت‌لرده‌گی کوچلرنی قیسی امنیتی اداره گه تیگیشلیگینی اصلا بیلمه‌یدیلر.
اونگه کوره، قندوز ده اسلام امیرلیگی قطار خوفسیزلیک کوچلری نینگ یونیفورمی یوق و شونینگدیک، بیکت‌لرده یشاوچیلر بیلن قنده‌ی یانده‌شیشنی بیلمه‌یدیلر.
او نینگ کوپه‌یتیریشیچه: «نیچه کون کیتمه_کیت بیکت‌لرده برابر بولدیم، ایکی_اوچ کیشی دیر سرک نینگ بیر تامانیده بیکت ایجاد ییتیب و یشاوچیلرنی تیکشیره‌دیلر، بو مسئله بیزنی خواطریمیز گه سبب بولگن چونکه اولر نینگ انیق یونیفورمی یوق، اسلام امیرلیگی مسئوللری بوتوغریده دقت قیلیش‌لری کیره‌ک.»
قندوز امنیه قوماندان‌لیگی مسئوللری، مذکور ولایت ده ناقانونی بیکت‌لر ایجاد ایتیلیشینی رد قیلیب ایتیشلریچه، نیچه آی دن بویان قندوز امنیه قوماندان‌لیگی کوچلری ناقانونی روشده بیکت ایجاد ییتیشمه‌گن.
قندوز امنیه قوماندان‌لیگی سوزلاوچیسی جمعه‌الدین خاکسار گه کوره، مسئول‌سیز کیشی‌لر گه یشاوچیلرنی تیکشیریش اجازه‌سی بیریلمه‌یدی.
بیزلرنینگ توییترده هم تعقیب قیلینگ!
اونگه کوره، اسلام امیرلیگی حاکمیتی دستلبکی آی‌لریده امنیتی کوچلر نینگ یونیفورم‌لری یوق ایدی، بیراق نیچه آی دن کیین اولر گه یونیفورم توزیع بولگن و وظیفه پیتیده اونی کیه‌دیلر.
او نینگ ایتیشیچه: «اوتمیش و حاضر ده مرکز و تومن‌لرده امنیتی کوچلر، قتناو یوللر، حوزه‌لر ده وظیفه جریانی و چیک پاینت‌لرده یونیفورم کیه‌دیلر، قندوز برچه اهالیسی گه هیچ قنده‌ی تهدید یوق‌لیگیدن ایشانچ بیره‌میز.»
بوندن آلدین، مملکت نینگ قطار ولایت‌لریده یشاوچیلر، اسلام امیرلیگی کوچلری نینگ یونیفورم‌سیزلیگی و بیکت‌لرده یشاوچیلر بیلن ناقانونی یانده‌شوولریدن شکایت قیلگنلر.
